«ԳՈՒՄԱՐԵԼԻՆԵՐԻ ՏԵՂԱՓՈԽՈՒԹՅՈՒՆԻՑ ԱՐԴՅՈՒՆՔԸ ՉԻ ՓՈԽՎՈՒՄ»
Արխիվ 12-16
«ԳՈՒՄԱՐԵԼԻՆԵՐԻ ՏԵՂԱՓՈԽՈՒԹՅՈՒՆԻՑ ԱՐԴՅՈՒՆՔԸ ՉԻ ՓՈԽՎՈՒՄ»
Սահմանադրական բարեփոխումներին ոչ ասելու, միգուցե՝ հեռվից նաեւ խորհրդարանական ընտրությունների մասին մտածելով՝ «Ժառանգությունը», «Հիմնադիր Խորհրդարանը» եւ «Ժողովրդավարական հայրենիքը» որոշ շարժումների հետ միասին «վերափոխվելով»՝ դարձան «Նոր Հայաստան»: Եվ սա առաջին դեպքը չէ, երբ տարբեր ուժեր, փոխելով իրենց հին անունները, «նորովի» են մտնում քաղաքական դաշտ: Այդ գործելաոճը նախ որդեգրեց ՀԱԿ վերանվանված ՀՀՇ-ն, ՕԵԿ-ը դարձավ «Հայկական վերածնունդ», եւ պնդում են, որ ոչ թե մենակ, այլ՝ մի 140-140 այլ կազմակերպությունների հետ: Թե որն է նման «եվրառեմոնտի» իմաստը, դժվար չէ կռահել: Բայց արդյոք հին ուժերն իրենց անունները փոխելով՝ կարո՞ղ են հաջողություններ գրանցել: Այս հարցերի շուրջ «Իրավունքը» զրուցեց քաղաքական որոշ գործիչների հետ:
Հայաստանի դեմոկրատական կուսակցության նախագահ ԱՐԱՄ ՍԱՐԳՍՅԱՆԸ նշեց. «Անուն փոխելը տվյալ շարժման խնդիրն է. մենք մեր անունը չենք փոխում, քանի որ դրա պատճառը չկա: Իսկ ովքեր զբաղվում են անվանափոխությամբ, գուցե ունեն իրենց պատճառները: Բայց ինչպես ասում են՝ գումարելիների տեղափոխությունից արդյունքը չի փոխվում: Ընդհանրապես չեմ հասկանում, թե նախաձեռնության անդամներն ինչ են մտածում, իրենց անունը փոխելով»:
Քաղաքական եւ միջազգային փորձագետ ՌՈՒԲԵՆ ՄԵՀՐԱԲՅԱՆԻ խոսքով` ցանկացած անվանման արդարացում կարելի է տեսնել կամ ընդհանրապես չտեսնել պրակտիկայում. «Երբ տվյալ շարժումները գնան գործողությունների փուլ, այդ ժամանակ էլ կտեսնենք, թե անվանումը փոխելով` ինչ հաջողություններ ունեցան: Չնայած չեմ կարծում, թե անվանափոխությունից հետո որեւէ բան փոխվի: Իսկ ավելի իրատեսականը ցույց կտա ժամանակը»:
Հասարակական-քաղաքական գործիչ ՏԻԳՐԱՆ ՊԵՏՐՈՍՅԱՆՑԸ փաստեց, որ անունը փոխելով՝ չի կարող որեւէ բան փոխել, քանի որ նույն մարդիկ են, որոնք ունեն նույն գաղափարները, ինչ հին անվան դեպքում էր. «Նույն մարդիկ են եւ կադրային նույն հնարավորությունները, որի շրջանակներում էլ գործում էր նախկին անունով: Եթե անվանափոխությունն ընդունենք որպես իմիտացիա, ապա այս դեպքում էլ, կարծում եմ, ոչինչ չի փոխվի: Չեմ կարծում, որ անունը փոխելով` տվյալ շարժման հնարավորությունները կշատանան»:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
18507 դիտում
2
11159 դիտում
3
1581 դիտում
4
1536 դիտում
5
1486 դիտում
2
17649 դիտում
4
8043 դիտում
5
4100 դիտում
4
8276 դիտում
