ԻՆՉՈ՞Ւ ԷԼԻՆԱՐ ՎԱՐԴԱՆՅԱՆԻՆ ԱՎԵԼԻ ՎԱՂ ՉԷԻՆ ՀԵՌԱՑՆՈՒՄ ԲՀԿ-ԻՑ, ԵԹԵ…
Արխիվ 12-16
ԻՆՉՈ՞Ւ ԷԼԻՆԱՐ ՎԱՐԴԱՆՅԱՆԻՆ ԱՎԵԼԻ ՎԱՂ ՉԷԻՆ
ՀԵՌԱՑՆՈՒՄ ԲՀԿ-ԻՑ, ԵԹԵ…
ԱԺ-ում ԲՀԿ պատգամավորներ Էլինար Վարդանյանի ու Ստեփան Մարգարյանի սահմանադրության նոր նախագծի քվեարկությանը չմասնակցելը «թանկ» նստեց նրանց վրա: Օրեր անց Էլինար Վարդանյանն ու Ստեփան Մարգարյանը ետ կանչվեցին միջազգային պատվիրակություններից: «Իրավունքը» ԲՀԿ առաջնորդ Նաիրա Զոհրաբյանից պարզեց` հնարավոր է տիկին Վարդանյանին եւ Մարգարյանը հեռացվեն նաեւ հանձնաժողովների նախագահների պաշտոններից: «Այդ հարցը դեռեւս չի քննարկվել մեր կուսակցությունում»,- ասաց ԲՀԿ առաջնորդը:
Հիշեցնենք` Ստեփան Մարգարյանը տարածքային կառավարման եւ տեղական ինքնակառավարման հարցերի մշտական հանձնաժողովի նախագահն է, իսկ Էլինար Վարդանյանը` մարդու իրավունքների պաշտպանության եւ հանրային հարցերի մշտական հանձնաժողովի ղեկավար:
Նաիրա Զոհրաբյանը վերջերս լրագրողների հետ զրույցում ասելն էր, որ տիկին Վարդանյանը երկար ժամանակ չի մասնակցում կուսակցության աշխատանքներին: Ինչո՞ւ նախկինում Էլինար Վարդանյանին չէին հեռացնում կուսակցությունից, այլ հոկտեմբերի հինգին`սահմանադրության նոր նախագծի քվեարկությունից հետո: «Դա մեր ներկուսակցական խնդիրներն են: Փետրվարից հետո տիկին Վարդանյանի ու Ստեփան Մարգարյանի հետ այդ խնդիրը բազմիցս քննարկվել է: Խնդրում եմ մեր լրագրողներին թույլ տալ մեզ լուծել մեր ներկուսակցական խնդիրները: Բացի այդ ` ես չեմ կարծում, որ այսօր երկրի թիվ մեկ խնդիրը ԲՀԿ-ի ներքին խնդիրներն են»,- ասաց տիկին Զոհրաբյանը:
Հարցին` արդյոք այդ երկու անձանց կարող ենք համարել քոչարյանական թեւի ներկայացուցիչներ, ԲՀԿ առաջնորդը հորդորեց այդ հարցերն ուղղեց նրանց:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
18507 դիտում
2
11159 դիտում
3
1581 դիտում
4
1536 դիտում
5
1486 դիտում
2
17649 դիտում
4
8043 դիտում
5
4100 դիտում
4
8276 դիտում
