Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԼԱԼԱ ՄՆԱՑԱԿԱՆՅԱՆ. «ԴՐԱ ՀԱՄԱՐ ՊԵՏՔ Է ԱՅՍ ՏՈՒՆԸ ԼԱՎ ԿԱՀԱՎՈՐԵԼ»

Արխիվ 12-16

ԼԱԼԱ ՄՆԱՑԱԿԱՆՅԱՆ. «ԴՐԱ ՀԱՄԱՐ ՊԵՏՔ Է ԱՅՍ ՏՈՒՆԸ ԼԱՎ ԿԱՀԱՎՈՐԵԼ»

 

Հոկտեմբերի 5-11-ը Աբովյանում անցկացվեց թատերական փառատոն` նվիրված քաղաքի տոնին: Գրեթե մեկ շաբաթ երեւանյան թատրոններն իրենց լավագույն ներկայացումներով հանդես եկան Աբովյան քաղաքի նորաստեղծ թատրոնի բեմում, ինչն աբովյանցիների կողմից ընդունվեց ջերմ ու լեցուն դահլիճներով:

Փառատոնն ամփոփվեց Աբովյան թատրոնի «Եզովպոս» ներկայացումով, որտեղ մասնավորապես զբաղված էին թատրոնի երիտասարդ ուժերն ու ՀՀ ժողովրդական արտիստ ՌԱՖԱՅԵԼ ՔՈԹԱՆՋՅԱՆԻ արվեստանոցի սաները: Ժողովրդական արտիստն իր խոսքում ընդգծեց, որ իր համար հաճելի պահ է սաներին պրոֆեսիոնալ բեմում տեսնել եւ ասաց. «Կարծում եմ, նրանց համար ամենակարեւորն այն էր, որ հանդիպում էին պրոֆեսիոնալ հանդիսատեսի հետ»,- ապա դիմեց հանդիսականին. «Միշտ լավ ընդունեք բոլոր դերասաններին, հատկապես նրանց, որոնք բեմում առաջին քայլերն են անում»: Աբովյանի թատրոնի գեղարվեստական ղեկավար ԱՇՈՏ ՉՏՉՅԱՆՆ էլ թե. «Աբովյանի թատրոնի բեմը միշտ պատրաստ է հարթակ դարձնել երիտասարդ դերասանների համար: Ավելին` սաներից 2-ը մեր թատրոնում են աշխատում: Բայց այս թատրոնի բեմը կարոտել է հայտնի եւ սիրված դերասաններին»:
ՀԹԳՄ նախագահ ՀԱԿՈԲ ՂԱԶԱՆՉՅԱՆՆ իր խոսքում ասաց, որ Աբովյանի քաղաքապետի հետ մտադիր են փառատոնը դարձնել ամենամյա, միջազգային. «7 օրերի ընթացքում խաղացվեց 11 ներկայացում, այս շենքում եղավ մոտ 5000-ից ավելի հանդիսական: Կասկած չունեմ, որ փառատոնը հետագայում կկարողանանք զարգացնել ու, ինչու ոչ, դարձնել միջազգային թատերական փառատոն: Եթե մի քիչ տեխնիկապես վերազինենք թատրոնը` Շեքսպիրյան ամենամյա միջազգային փառատոնը հանգիստ կարող ենք տեղափոխել քաղաք Աբովյան»:
ՀՀ վաստակավոր արտիստ ԼԱԼԱ ՄՆԱՑԱԿԱՆՅԱՆԸ, ով իր խոսքում նշեց, որ իրենք մեծ ամագ ունեն այս երիտասարդների վրա, սրտացավորեն ասաց. «Ամբողջ ներկայացման ժամանակ, բացի այն, որ հուզվում էի, քանի որ բեմում մեր սաներն էին ու ձեր ապագա դերասանները, նաեւ հուզվում էի, որ այս թատրոնն այնքան երկար ճանապարհ անցավ` 30 տարի, ու վերջապես եկավ մի օր, որ այստեղ սկսեցին ծափեր հնչել ու հանդիսատես գալ: Շնորհակալ եմ, որ վերջապես Հայաստանում մի թատրոն ավելացավ»,- ուրախությամբ նշեց դերասանուհին եւ համաձայնելով փառատոնը միջազգային դարձնելու մտքին` հավելեց. «Այո, ինչու ոչ, պետք է միջազգային դարձնել այս փառատոնը, բայց դրա համար պետք է նախ այս տունը լավ կահավորել»:

ԼԻԼԻԹ ԵՂԻԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ