Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀՈԿՏԵՄԲԵՐԻ 17-ԻՑ ԵՂԱՆԱԿԸ ՆՈՐԻՑ ԿՏԱՔԱՆԱ

Արխիվ 12-16

ՀՈԿՏԵՄԲԵՐԻ 17-ԻՑ ԵՂԱՆԱԿԸ ՆՈՐԻՑ ԿՏԱՔԱՆԱ

 

Առաջիկա տասն օրերին Արարատյան դաշտում ցրտահարության վտանգ չենք տեսնում: Այս մասին մեզ հետ զրույցում ասաց ՀՀ տարածքային կառավարման եւ արտակարգ իրավիճակների նախարարության Հիդրոմետ ծառայության օդերեւութաբանության կենտրոնի պետի տեղակալ ԳԱԳԻԿ ՍՈՒՐԵՆՅԱՆԸ: Փոխարենը, ըստ մեր զրուցակցի, ինչպես եւ կանխատեսվել էր՝ հոկտեմբերի 11-ի գիշերը հանրապետության լեռնային շրջաններում գրանցվել են առաջին ցրտահարությունները:

Աշոցքում գիշերը ջերմաստիճանը նվազել է մինչեւ -5, Գյումրիում եւ Ամասիայում` -2,  Ստեփանավանում եւ Տաշիրում` -2 -3, Մարտունիում եւ Գավառում` 0 -1, Ապարանում` -2: Ամեն դեպքում՝ ցրտահարության վտանգ էր կանխատեսվել հիմնականում Շիրակի, Լոռվա մարզերում, Արագածոտնի, Կոտայքի, Գեղարքունիքի լեռնային շրջաններում:  
Անդրադառնալով առաջիկա օրերի եղանակային կանխատեսումներին` մասնագետը նկատեց.
- Ընդհանուր առմամբ` արդեն այսօրվանից (զրույցը եղել է երեկ- Հեղ.) օդային հոսանքները փոխել են իրենց ուղղությունը՝ հյուսիս-արեւմտյանից դառնալով հարավ-արեւմտյան: Հանրապետություն կներթափանցեն տաք օդային հոսանքներ, օդի ջերմաստիճանը կհասնի մոտ 23-24 աստիճան տաքության, որը, սակայն, երկար չի տեւի: Անմիջապես վաղը` հոկտեմբերի 13-ին արդեն հանրապետություն է մտնելու միջերկրածովյան հաջորդ ցիկլոնը, որը բավականին տեղումնաբեր է լինելու:
Վաղը կեսօրից հետո, հոկտեմբերի 14-ին եւ 15-ի գիշերը շրջանների զգալի մասում սպասվում են անձրեւ եւ ամպրոպ, հոկտեմբերի 14-ին երեկոյան ժամերին սպասվում են հորդառատ անձրեւներ եւ քամու ուժգնացում: Օդի ջերմաստիճանը ցերեկային ժամերին աստիճանաբար կնվազի 3-4 աստիճանով եւ Արարատյան դաշտում ու մայրաքաղաքում կտատանվի +17 +19 աստիճանի սահմաններում:
Արդեն հոկտեմբերի 17-ից օդային հոսանքները նորից կդառնան հարավ-արեւմտյան` հանրապետություն կներթափանցեն արեւադարձային տաք օդային զանգվածներ:
Հոկտեմբերի երրորդ տասնօրյակում տեղումների քանակը կլինի ավելի քիչ:

ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ