ԲԱՆԿԻ ԿՈՂՄԻՑ ՔԱՂԱՔԱՑԻՆԵՐԻ ԽԱԽՏՎԱԾ ԻՐԱՎՈՒՆՔՆԵՐԻ ԴԵՊՔՈՒՄ ԴԻՄԵՔ ՖԻՆԱՆՍԱԿԱՆ ՕՄԲՈՒԴՍՄԵՆԻՆ

ԲԱՆԿԻ ԿՈՂՄԻՑ ՔԱՂԱՔԱՑԻՆԵՐԻ ԽԱԽՏՎԱԾ ԻՐԱՎՈՒՆՔՆԵՐԻ ԴԵՊՔՈՒՄ

ԴԻՄԵՔ ՖԻՆԱՆՍԱԿԱՆ ՕՄԲՈՒԴՍՄԵՆԻՆ

Ազգային ժողովում ՍԻՄ նախագահ, ԱԺ պատգամավոր Հայկ Բաբուխանյանի, Կենտրոնական Բանկի փոխնախագահ Ներսես Երիցյանին ուղղված այն հարցին, կա արդյոք մի օղակ, որը պաշտպանի վարկ վերցնողների իրավունքները, որոնք գտնում են, որ իրենց իրավունքները խախտված են, ի պատասխան Ն. Երիցյանն ասաց. <Մենք ունենք սպառողական կրեդիտավորման մասին օրենք, որը մինչեւ 10 մլն. դրամ ունեցող վարկառուներին հստակ սահմանում է, թե ինչպես պետք է հրապարակվի տոկոսները, ոնց պետք է հաշվարկվի, ինչպես պետք է վարկերը տրամադրվի, եւ թե ինչպես պետք է պաշտպանվեն: Դրա տակ մենք մտցրել ենք նաեւ հիփոթեքային վարկավորման մասին հարցը, օրենսդրության նախագծի տեսքով, որը հիմա գտնվում է ԱԺ-ում:

Ինչ վերաբերում է բողոքներին, բանկի նկատմամբ առաջացած խնդիրներին, ապա կարող են ուղիղ դիմել ե'ւ կենտրոնական բանկ ե'ւ կա ֆինանսական օմբուտսմենի ինստիտուտ, որը անվճար է մեր քաղաքացիների համար: Այն ֆինանսավորվում է բանկային համակարգի կողմից եւ անվճար ծառայություն է մատուցում քաղաքացիներին: Այդ առումով ունենք բավականին տպավորիչ արդյունքներ: Կա մոտ 70-80 հազար բողոքներ, որոնք ի օգուտ քաղաքացիների են լուծվել: Գնալով ծավալները ավելանում են: Վերջերս տեղեկացա, որ ապահովագրության ոլորտում անձինք եւս դիմում են օմբուցմենին, այլ ոչ թե ապահովագրական բյուրոին: Այդ ինստիտուտը գործում է, ձեւավորված է եւ մենք քաջալերում ենք, ակտիվորեն մեր քաղաքացիները դիմենք մեր օմբուցմենին, որի արդյունքները պարբերաբար թարմացվում են>:

ԱՐՄԵՆՈՒՀԻ ՀԱԿՈԲՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝