Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀԱՅ ԾԱՆՐՈՐԴՆԵՐԻ ՆՎԱՃՈՒՄՆԵՐԸ ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ

Արխիվ 12-16

ՀԱՅ ԾԱՆՐՈՐԴՆԵՐԻ ՆՎԱՃՈՒՄՆԵՐԸ ԵՎՐՈՊԱՅԻ ԱՌԱՋՆՈՒԹՅՈՒՆՈՒՄ

 

Լիտվայի Կլայպեդա քաղաքում շարունակում են ընթանալ մինչեւ 20 եւ 23 տարեկանների Եվրոպայի առաջնությունները, որտեղ Հայաստանն ունի 10 ներկայացուցիչ: Հայ ծանրորդները արդեն իսկ սպասվածին համապատասխան` գրանցել են ուշագրավ արդյունքներ:

Իր մրցելույթը ավարտվել է մինչեւ 23 տարեկանների 56 կգ քաշային կարգում հանդես եկող Սմբատ Մարգարյանը: Սմբատ Մարգարյանից սպասումները միշտ շատ են, եւ խոստումնալից մարզիկն այս մրցաշարում նվաճեց արծաթե մեդալ, թեեւ ուժերը թույլ էին տալիս շատ ավելին: Սակայն Սմբատը խնդիրներ ունեցավ պոկում վարժությունում՝ երրորդ փորձից միայն բարձրացնելով 102 կիլոգրամը: Հրում վարժության կատարումը ավելի լավ ընթացք ունեցավ հայ ծանրորդի համար. Սմբատը հրեց 139 կիլոգրամ եւ արժանացավ այս վարժության ոսկե մեդալին, իսկ երկամարտում կարողացավ նվաճել միայն արծաթե մեդալ:
Հաջորդը մինչեւ 20 տարեկանների պայքարում մրցասպարեզ դուրս եկավ Մարզպետ Մինասյանը, ով նվաճեց բրոնզե մեդալ՝ երկամարտում վաստակելով 227 կգ (107+120): Նրանից 7 կիլոգրամով հետ մնաց Հայաստանը ներկայացնող մեր մյուս պատվիրակը՝ Դավիթ Դավայանը, ով հրում վարժությունում եւս նվաճել է բրոնզե մեդալը:
Աղջիկների մինչեւ 20 տարեկանների 58 կգ քաշայինների պայքարում իրեն հավասարը չուներ Իզաբելա Յայլյանը: Հայ ծանրորդուհին երկամարտում մեկ կիլոգրամով գերազանցեց ուկրաինուհի Վերոնիկա Իվասյուկին եւ հռչակվեց Եվրոպայի չեմպիոն՝ երկամարտի 194 կգ արդյունքով:
Եվս մեկ բրոնզե մեդալ թիմին բերեց 77 կգ քաշային Նորայր Ավետիսյանը: Նա պոկեց 140 եւ հրեց 175 կիլոգրամ: Իսկ 69 կգ քաշային Ազատ Հակոբյանը պոկեց 129 կգ եւ հրեց՝ 157 կգ, արդյունքում հայ մարզիկը երկամարտում 286 կիլոգրամով 7-րդն էր` 15 մասնակիցների պայքարում:
Ընդհանուր առմամբ, Հայաստանի թիմի արդյունքը կարելի է դրական գնահատել, չմոռանանք, որ Եվրոպայի առաջնություն յուրաքանչյուր երկիր ուղարկում է իր լավագույն մարզիկներին եւ արդյունքում մրցակցային դաշտը լինում է հագեցած եւ բարդ: Պետք է նշել, որ հայ ծանրորդները, անգամ նրանք, ովքեր ունեին միջազգային փորձի պակաս, կարողացան իրենց լավ դրսեւորել եւ տեղ գտնել լավագույնների թվում: Դեռ մեր ոչ բոլոր մարզիկներն են մտել պայքարի մեջ, ուստի վերջնահաշվարկին Հայաստանի թիմը կարող է մոտենալ ավելի շատ մեդալներով:

ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ