«ՈՉ ՀԱՍՑԵԱԳՐՎԱԾ ՀԱՅՏԱՐԱՐՈՒԹՅՈՒՆՆԵՐԸ ԱՎԵԼԻ ԵՆ ՀՐԱՀՐՈՒՄ ԱԴՐԲԵՋԱՆԻ ՍԱԴՐԻՉ ԳՈՐԾՈՂՈՒԹՅՈՒՆՆԵՐԸ»
Արխիվ 12-16
«ՈՉ ՀԱՍՑԵԱԳՐՎԱԾ ՀԱՅՏԱՐԱՐՈՒԹՅՈՒՆՆԵՐԸ ԱՎԵԼԻ ԵՆ ՀՐԱՀՐՈՒՄ ԱԴՐԲԵՋԱՆԻ ՍԱԴՐԻՉ ԳՈՐԾՈՂՈՒԹՅՈՒՆՆԵՐԸ»
ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսն եւ կոնգրեսական Էլիոթ Ինգըլը հորդորել են ԵԱՀԿ Մինսկի խմբի ամերիկացի համանախագահ Ջեյմս Ուորլիքին` միջոցներ ձեռնարկել, որոնք կօգնեն դադարեցնել հայ-ադրբեջանական հակամարտ զորքերի շփման գծում հրադադարի խախտման դեպքերի աճը: Ավելին` վերջիններս ստորագրահավաք են սկսել` ուղղված Ջ. Ուորլիքին, որը բաղկացած է երեք կետից. դիպուկահարների հեռացում շփման գծից, ԵԱՀԿ մշտադիտարկման, կրակոցների վայրի գրանցման համակարգերի տեղակայում` հարձակման աղբյուրները պարզելու համար, ԵԱՀԿ լրացուցիչ դիտորդների տեղակայում շփման գծի երկայնքով: Ի վերջո, կոնգրեսականների ուշացած ջանքերը որքանո՞վ կարող են սթափեցնել իր հակահայկական հայտարարություններով հայտնի Ջ. Ուորլիքին, «Իրավունքը» պարզեց ՀՀ արտաքին գործերի նախարարի տեղակալ ՇԱՎԱՐՇ ՔՈՉԱՐՅԱՆԻՑ.
–Կարեւոր է, որ հիմա շատերն են գիտակցում, որ ոչ հասցեագրված հայտարարությունները ոչ միայն չեն հասնում իրենց նպատակին, այլ էլ ավելի են հրահրում Ադրբեջանի սադրիչ գործողությունները: Այնպես որ, կոնգրեսականների հայտարարությունները խոսում են այդ հասունացման մասին:
– Պարոն Քոչարյան, անդրադառնանք նաեւ ռուսական զորքերի` Սիրիա ներթափանցմանը եւ դրա ֆոնին տեղի ունեցող զարգացումներին...
– Բնական է, որ ամեն պետություն առաջնորդվում է իր շահերով, եւ մյուս կողմից կա մի համընդհանուր խնդիր` կապված ԻՊ ահաբեկչական այդ չարիքի դեմ պայքարի հետ: Սա յուրովի են ընկալում տարբեր պետություններ, բայց ամենակարեւորն այն է, որ, այնուամենայնիվ, կա մի ընդհանուր շահ` դրա դեմն առնելն է, եթե հնարավոր է` արմատախիլ անելը: Այդ տեսանկյունից ամեն մեկն իր ներդրումն ունի այդ գործում: Եվ եթե մենք դիտարկում ենք այդ ընդհանուր, այսպես ասած, նպատակից ելնելով, ուրեմն` բոլոր գործողությունները, որոնք միտված են կանխարգելելու ապագա զարգացումները կամ մարդկության համար չարիք դարձած այդ խմբավորումների ընդլայնումը, միայն ողջունելի է:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
18899 դիտում
2
12227 դիտում
3
11204 դիտում
4
1611 դիտում
5
1587 դիտում
2
17658 դիտում
5
8049 դիտում
5
8276 դիտում
