ԱՐԾՎԻԿ ՄԻՆԱՍՅԱՆ.««ՈՉ»- Ի ՃԱԿԱՏՈՒՄ ԳՏՆՎՈՂՆԵՐԻՆ ՄԻԱՅՆ «ՈՉ»-Ն Է ՄԻԱՎՈՐՈՒՄ»

ԱՐԾՎԻԿ ՄԻՆԱՍՅԱՆ. ««ՈՉ»- Ի ՃԱԿԱՏՈՒՄ

ԳՏՆՎՈՂՆԵՐԻՆ ՄԻԱՅՆ «ՈՉ»-Ն Է ՄԻԱՎՈՐՈՒՄ»

Հոկտեմբերի 30-ին  «Ոչ»-ի ճակատը կանցկացնի իր երկրորդ հանրահավաքն Ազատության հրապարակում ընդդեմ սահմանադրական  բարեփոխումների: Սահմանադրական բարեփոխումների ջատագով  դաշնակցական պատգամավոր Արծվիկ Մինասյանից «Իրավունքը» պարզեց` ի՞նչ կարելի է ակնկալել «Ոչ»-ի հանրահավաքից:  «Ինձ համար սկզբունքային նշանակություն ունի «Ոչ»-ի  բովանդակային  դիրքորոշումը»,- ասաց   օրենսդիր մարմնի ներկայացուցիչը:

Արծվիկ Մինասյանին հիշեցրինք` նախորդ հանրահավաքում «Ոչ»-ը նաեւ ՀՅԴ-ի անունն է  տվել`ասելով, որ Սերժ Սարգսյանը չի կարող միայն Դաշնակցությամբ կոնսենսուսի հասնել: «Ով տվել է դաշնակցության անունը, նա այնքան հեռու է քաղաքական համակարգից: Նա փորձում է անձնավորել սահմանադրական բարեփոխումները` առանց գիտակցելու գլխավորը` գաղափարախոսությունը: Ինչքան հասկանում եմ, «Ոչ»-ի ճակատը չունի գաղափարախոսություն, ծրագիր ու մոտեցում վաղվա օրվա հետ կապված»,- պատասխանեց մեր զրուցակիցը:

Համաձա՞յն է պրն Մինասյանն այն տեսակետին, որ «Ոչ»-ի հանրահավաքը  բացահայտեց Լեւոն Տեր-Պետրոսյանի ու Ռոբերտ Քոչարյանի միասնությունը, դաշնակցական գործիչը բացասական պատասխանեց: «Ոչ»,  քանի որ «Ոչ»-ի ճամբարում տարբեր տեսակետներ ու մոտեցումներ կան: Ու այս պահին, ամենայն հավանականությամբ, «Ոչ»-ի ճակատում գտնվողներին միավորում է «Ոչ»-ը: Ռոբերտ Քոչարյանի մասնակցությունն այս տիրույթում չեմ տեսնում: Երկրորդ նախագահի գործողություններում ես համարում եմ ավելի շատ բովանդակային եւ ըստ էության, տրամաբանված դատողությունների, այլ ոչ թե ձեւական «Ոչ»-ի դաշտում»,-եզրափակեց   պատգամավորը:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝