ԼՅՈՎԻԿ ԶՈՒՐԱԲՅԱՆԻ ՈՂԲԸ ԵՎ ԱԿՏԻՎԻՍՏՆԵՐԻ «ԿԱՅՖԵՐԸ»
Արխիվ 12-16
ԼՅՈՎԻԿ ԶՈՒՐԱԲՅԱՆԻ ՈՂԲԸ ԵՎ ԱԿՏԻՎԻՍՏՆԵՐԻ «ԿԱՅՖԵՐԸ»
Բոլորը, ովքեր հետեւում էին Սահմանադրության քվեարկությանն ԱԺ-ում, ականատես եղան թե ինչպես է Լյովիկ Զուրաբյանը բարձրաձայն ողբում, թե ընդդիմության դեմ ներսում Գալուստ Սահակյանն է «վայրագություն» անում, իսկ դրսում` Երեւանի փոխոստիկանապետ Վալերի Օսիպյանը: Անգամ Օսիպյանի «վայրագությունների» մասին ՀԱԿ-ը հատուկ հայտարարությամբ հանդես եկավ:
Իսկ թե իրականում ինչպիսին էր ոստիկանների «վայրագությունը»` իմանում ենք «Ոչ»-ի ճակատի «քաղաքացիական» հատվածի համակարգող Հրայր Մանուկյանի ֆեյսբուքյան գրառումից. «Մենք Արաբկիրի ոստիկանության բաժնում ենք, ամեն ինչ լավա: Պահանջում էին անջատել հեռախոսներս` ե՛ւ մեքենայի մեջ, ե՛ւ ոստիկանության բաժնում: Մենք չենք ենթարկվում: ՄԻՊ գրասենյակի ներկայացուցիչները այստեղ են: Բայց ամենակարեւորը այն է, որ այս ամենը մանր բաներ են, մենք մեր հստակ ծրագիրն ունենք եւ հասնելու ենք մեր ուզածին»: Իսկ նույն ոստիկանության բաժանմունքից ակտիվիստ Վարդան Հարությունյանը «Ֆեյսբուքում» գրում է. «Ոչ մի անգամ` Ոստիկանություն բերման ենթարկվելուց այսքան չեմ ոգեւորվել, որքան այսօր` ինձ ոգեւորել էր այն սենյակի պատը որտեղ տարել էին ինձ արձանագրություն կազմելու, այդ պատին փակցված էր` ոչ այս կողմ, ոչ այն կողմ` Չե Գեւարայի նկարը` կեցցե մեր հեղափոխական ոստիկանությունը...»: Ի դեպ, նույն ոստիկանության բակում եւ շենքի ներսում այդ ակտիվիստները կեցվածք ընդունած լուսանկարվում էին, եւ իրենց հեռախոսներից գրառումներ էին անում «Ֆեյսբուքում», այդ թվում եւ շաղ տալով հայհոյանքներ իշխանությանն ու մասնավորապես ԱԺ-ի հասցեին: Այսինքն` հենց ակտիվիստների հրապարակային գրառումները հերքում են Լյովիկ Զուրաբյանի «բայաթին» ոստիկանության «վայրագությունների» մասին: Կարող ենք արձանագրել, որ ոստիկանները հետները մեղմ էին վարվել, նույնիսկ ամեն չափ ու սահմանն անցնող մեղմությամբ...
ՍԵՓ. ԼՐԱՏՎՈՒԹՅՈՒՆ
Բաժանորդագրվե՛ք https://t.me/iravunk
1
29999 դիտում
2
19059 դիտում
3
11307 դիտում
4
1665 դիտում
5
1574 դիտում
3
17674 դիտում
5
8058 դիտում
5
8286 դիտում
