ԲՀԿ-ԱԿԱՆՆ ԱՐԴԱՐԱՆՈՒՄ Է. «ԿԱՐԾՈՒՄ ԵՄ`ԻՄ ՄՈՏԵՑՈՒՄՆ ԱՎԵԼԻ ԼՈՒՐՋ Է»
Արխիվ 12-16
ԲՀԿ-ԱԿԱՆՆ ԱՐԴԱՐԱՆՈՒՄ Է. «ԿԱՐԾՈՒՄ ԵՄ`ԻՄ
ՄՈՏԵՑՈՒՄՆ ԱՎԵԼԻ ԼՈՒՐՋ Է»
«Իրավունքը» երեկ գրել էր ԲՀԿ որոշ պատգամավորների «օրիգինալ» բոյկոտի մասին՝ սահմանադրական բարեփոխումների քվեարկության վերաբերյալ: Բանն այն է, որ սահմանադրական բարեփոխումներին դեմ եղող պատգամավորներն իրենց «դեմ»-ը արտահայտեցին «Ֆեյսբուք» սոցիալական ցանցի ու քոչարյանական թեւին պատկանող Zham.am լրատվականի միջոցով: ԲՀԿ պատգամավոր Ստեփան Մարգարյանից այսօր լրագրողները պարզեցին` ինչո՞ւ նա երեկ չմասնակցեց քվեարկությանը: «Դե ես այդպես եմ որոշել: Ինձ համար կարեւորը հանրության կարծիքն է»,- ասաց օրենսդիր մարմնի ներկայացուցիչը:
«Իրավունքը» հակադարձեց՝ կարող էր գալ ԱԺ-ում եւ «դեմ»-ի կոճակը սեղմելով արտահայտել իր դիրքորոշումը: «Այո, կարող էի, բայց իմ «դեմ»-ն այդպիսին էր»,- ասաց Ստեփան Մարգարյանը:
Պատգամավորը նաեւ տեղեկացրեց, որ սահմանադրական բարեփոխումների մասին կան տարաձայնություններ:
Մեր մյուս դիտարկմանը, թե ԲՀԿ մամլո խոսնակ Վահան Բաբայանը տեղեկացրել է, որ միայն Նաիրա Զոհրաբյանի բացակայությունն է հարգելի: Փաստորեն, պրն Մարգարյանը տեղյակ չի պահել պրն Մարգարյանն իր բացակայության մասին: «Այո, տեղյակ չեմ պահել»,- հանգիստ արձագանքեց քաղաքական գործիչը:
«Իսկ չե՞ք կարծում, որ փոքր-ինչ անլուրջ է երկրի համար կարեւոր փաստաթղթի ընդունման վերաբերյալ դիրքորոշումն այլ տեղերից հայտնել»,- հետաքրքրվեց «Իրավունքը»: «Ես կարծում եմ` իմ մոտեցումն ավելի լուրջ է»,- պնդեց ԲՀԿ-ականը:
Ի դեպ, Ստեփան Մարգարյանը «Հզոր Հայրենիք» կուսակցության անդամ է, սակայն ՀՀ նախագահ Սերժ Սարգսյանը չի հրավիրել այդ կուսակցությանը Բաղրամյան 26` քննարկելու սահմանադրական բարեփոխումներին առնչվող հարցեր: Պրն Մարգարյանին հարցրինք` սպասելի էր իր համար այս մոտեցումը, չէ ՞որ ԱԺ-ում գոնե մեկ ներկայացուցիչ կուսակցությունը կարող էր լինել նախագահականում: «Մեկնաբանություն չունեմ»,- եզրափակեց ԲՀԿ խմբակցության անդամը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
30106 դիտում
2
19066 դիտում
3
11307 դիտում
4
1665 դիտում
5
1579 դիտում
3
17674 դիտում
5
8058 դիտում
5
8286 դիտում
