ԿՅԱՆՔԻՑ ՀԵՌԱՑԵԼ Է «ԱՐԱՐԱՏ 73»-Ի ԼԵԳԵՆԴԱՐ ԱՎԱԳ ՀՈՎՀԱՆՆԵՍ ԶԱՆԱԶԱՆՅԱՆԸ
Արխիվ 12-16
ԿՅԱՆՔԻՑ ՀԵՌԱՑԵԼ Է «ԱՐԱՐԱՏ 73»-Ի ԼԵԳԵՆԴԱՐ ԱՎԱԳ ՀՈՎՀԱՆՆԵՍ ԶԱՆԱԶԱՆՅԱՆԸ
Այսօր՝հոկտեմբերի 4-ին, երկարատեւ հիվանդությունից հետո կյանքից հեռացել է «Արարատ 73»-ի լեգենդար ավագ Հովհաննես Զանազանյանը, լեգենդար ֆուտբոլիստը 68 տարեկան էր:
«Իրավունքը» ցավակցություններն է հղում մեծանուն ֆուտբոլիստի հարազատներին եւ ընկերներին:
Կարիերա
Հովհաննես Զանազանյանը ֆուտբոլ սկսել է պարապել 1959թ. Երեւանի «Սպարտակում», 1965թ. տեղափոխվել է Ղափանի «Լեռնագործ», որի կազմում հանդես է եկել ԽՍՀՄ առաջնության երկրորդ խմբի «Բ» դասում եւ դարձել է թիմի լավագույն ռմբարկու։ 1966թ. խաղացել է ԽՍՀՄ առաջնության երկրորդ խմբի «Ա» դասում։
1966թ. մրցաշրջանի վերջում տեղափոխվել է Երեւանի «Արարատ», որի կազմում մինչեւ
1975թ. խաղացել է ԽՍՀՄ առաջնության բարձրագույն խմբում, ուր մասնակցել է 243 խաղի, խփել 56 գոլ, դարձել ԽՍՀՄ չեմպիոն, կրկնակի գավաթակիր։
1976թ. խաղացել է Մոսկվայի «Սպարտակում»։ Կարիերան ավարտել է ՖԻՄԱ և «Ղարաբաղ» թիմերում։
1971-1972թթ. խաղացել է ԽՍՀՄ հավաքականում։ 1972թ. Մյունխենի օլիմպիական խաղերի բրոնզե մեդալակիր է։
Մարզել է Բեյրութի ՀՄԸՄ-ն, Հայաստանի Երիտասարդական հավաքականը, «Սպարտակ» եւ «Բանանց» ակումբները։
2013թ. հոկտեմբերի 10-ին Հայկական ֆուտբոլի զարգացման գործում ներդրած նշանակալի ավանդի եւ ձեռք բերած փայլուն նվաճումների համար պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։
ՔՐԻՍՏԻՆԵ ՊԵՏՐՈՍՅԱՆ
Բաժանորդագրվե՛ք https://t.me/iravunk
1
30690 դիտում
2
19124 դիտում
3
1680 դիտում
4
1600 դիտում
5
1519 դիտում
3
17674 դիտում
4
11336 դիտում
5
8058 դիտում
5
8286 դիտում
