Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀԱՅԱՍՏԱՆԸ «ՆՈՐ ԱԼԻՔՈՒՄ» ՆԵՐԿԱՅԱՑՆՈՂ ԳՐԻԳՈՐ ԿՅՈԿՉՅԱՆԸ ՍՏԱՑԱՎ ՇՔԵՂ ՄԻԱՎՈՐՆԵՐ

Արխիվ 12-16

ՀԱՅԱՍՏԱՆԸ «ՆՈՐ ԱԼԻՔՈՒՄ» ՆԵՐԿԱՅԱՑՆՈՂ ԳՐԻԳՈՐ ԿՅՈԿՉՅԱՆԸ ՍՏԱՑԱՎ ՇՔԵՂ ՄԻԱՎՈՐՆԵՐ

 

Ժամեր առաջ` «Նոր Ալիք-2015» երգի մրցույթի համերգային առաջին օրը, իր ելույթով Սոչիի բեմից փայլեց Հայաստանը ներկայացնող ԳՐԻԳՈՐ ԿՅՈԿՉՅԱՆԸ: Այսօր մեր մասնակիցը կատարեց Boney M-ի հանրահայտ «Sunny» երգն, իհարկե, իր ուրույն ոճով, եւ վերջում օդային համբույներ ուղարկեց` ջերմացնելով անձրեւային եղանակից սառած հանդիսատեսին: Ելույթից ընդամենը րոպեներ առաջ Գ. Կյոկչյանն իր ֆեյսբուքյան էջում գրել էր. «Այսպիսով, ես պատրաստ եմ… Մինչ ելույթս ցանկանում եմ ասել` այս պահին, իրոք, կարոտել եմ ընկերներիս եւ հարազատներիս։ Հաջողություն, եղեք պոզիտիվ»: Եվ, իսկապես, հայաստանյան մասնակիցը պատրաստ էր գրավել ժյուրիի սիրտն ու ի պատասխան ստանալ բարձր միավորներ` հիմնականում 11 եւ մի քանի 10 բալ (ժյուրիի կազմում են` Իգոր Կրուտոյի նախագահությամբ` Ֆիլիպ Կիրկորովը, Իգոր Նիկոլաեւը, Վալերիան, Լեոնիդ Ագուտինը, Լայմա Վայկուլեն, Անի Լորակը, Անժելիկա Վարումը, Դիմիտրիս Կոնտոպուլոսը): Արդյունքում ունենք 85 միավոր, ինչի մասին «Նոր Ալիքի» հաղորդավարներից «Чай Вдвоем» խմբի նախկին անդամ ՍՏԱՍ ԿՈՍՏՅՈՒՇԿԻՆՆ, ով, ի դեպ, երեկ մրցույթի բացման հանդիսավոր արարողության ժամանակ հանդիսատեսին ողջունեց հայերեն «բարեւ ձեզով», նշեց. «Շքեղ միավորներ են»:

Ի դեպ, թեպետ հայաստանյան որեւէ հեռուստաընկերություն չէր կարողացել ձեռք բերել մրցույթը հեռարձակելու իրավունք, սակայն սա չխանգարեց, որպեսզի հայաստանցիները օնլայն կամ Ռուսաստանի առաջին հեռուստաալիքով հետեւեին, աղոթեին, հաջողություն մաղթեին ու սատարեին մեր մասնակցին: Այնպես որ, մեզ մնում է շարունակել նույն ոգով աջակցել մեր մասնակցին` մաղթելով հաղթանակ ու փայլուն ելույթներ, չէ՞ որ միջազգային մրցույթում ծածանվում է Հայաստանի դրոշը:


ՀՐԱՆՏ ՍԱՐԱՖՅԱՆ

Հավանեցի՞ր հոդվածը, կիսվիր ընկերներիդ հետ