ԹԱՏԵՐԱԿԱՆ ՓԱՌԱՏՈՆ` ՆՎԻՐՎԱԾ ԱԲՈՎՅԱՆ ՔԱՂԱՔԻ ՏՈՆԻՆ

ԹԱՏԵՐԱԿԱՆ ՓԱՌԱՏՈՆ`ՆՎԻՐՎԱԾ ԱԲՈՎՅԱՆ ՔԱՂԱՔԻ ՏՈՆԻՆ

Հոկտեմբերի 5-11-ը Աբովյան քաղաքում կանցկացվի թատերական փառատոն`նվիրված քաղաքի տոնին: Փառատոնը նպատակ ունի մարզում աշխուժացնել թատերական կյանքը, թատերասեր հանրությանը հաղորդակից դարձնել թատերարվեստի զարգացումներին եւ ոշադրությունը սեւեռել դեպի թատրոն: Փառատոնի շրջանակներում կցուցադրվի 11 ներկայացում`Երեւանի եւ Աբովյանի, ինչպես նաեւ Թբիլիսի Պ. Ադամյանի անվան հայկական թատրոնների մասնակցությամբ: Փառատոնն արդեն մեծ աշխուժություն է առաջացրել ոչ միայն տեղի , այլեւ հարակից համայնքերի բնակիչների շրջանում: Թատերական նման փառատոնը Աբովյանի պատմության մեջ աննախադեպ է:

Աբովյանի նորընտիր քաղաքապետ ՎԱՀԱԳՆ ԳԵՎՈՐԳՅԱՆԸ փաստեց, որ Աբովյանն ի թիվս այլ խնդիրների, ունի նաեւ մշակույթը զարգացնելու խնդիր: Քաղաքապետի խոսքով` Աբոյանի տոնին նվիրված փառատոնն ունի ավելի հեռահար նպատակներ.«Շատ կցանկանայի, որպեսզի այս փառատոնը դառնար լավ ավանդույթ եւ հետագայում կրեր ամենամյա բնույթ: Մշակութային կյանքում առկա բացթողումները համարում եմ թերություն: Շատ ժամանակ մեր ազգաբնակչությունը մշակութային կյանքի բացը լրացնելու համար նախընտրում է հասնել Երեւան: Այս առումով կարելի է ասել, որ փառատոնը լավագույն նախաձեռնությունն է, քանի որ աբովյանցին հնարավորություն կունենա մեր հայտնի թատրոնների բեմադրությունները տեսնել հարազատ քաղաքում»,-ընդգծեց Վ. Գեւորգյանը եւ շնորհակալություն հայտնեց ՀԹԳՄ նախագահ Հակոբ Ղազանչյանին` փառատոն անցկացնելու խնդրանքին արձագանքելու համար:

ՀԹԳՄ նախագահ ՀԱԿՈԲ ՂԱԶՆՉՅԱՆԻ խոսքով` վերջին 1-2 տարիների ընթացքում մարզեում նկատվում է թատերական կյանքի աշխուժացում, այդ մարզերից մեկն էլ Կոտայքն է.«Նախորդ տարի Աբովյանի թատրոնը երակարետեւ ընդմիջումից հետո ստացավ նոր կարգավիճակ`մշակույթի տան շենքը տրամադրվեց թատրոնին : Այստեղ կան իրենց գործին նվիրված մեծ թվով մարդիկ, որնց հետ կարելի է իսկապես համագործակցել: Փառատոնը նվիրված է քաղաքի տոնին, որը մեզ համար նպատակ ունի մեկ անգամ եւս աշխուժացնել մարզի թատերական կյանքը»,-նշեց Հակոբ Ղազանչյանը :

Աբովյանի թատրոնի տնօրեն ԱՐՄԵՆ ԿԱՐԱՊԵՏՅԱՆԸ նկատեց, որ 50 տարվա պատմություն ունեցող քաղաքի համար պատմական նշանակություն ունեցավ տեղի թատրոնին կարգավիճակ տալը.«Ուրախ եմ, որ քաղաքային իշխանությունները մեր մշակույթի եւ արվեստիի նկատմամբ տածում են նման պատկառանք: Աբովյանում մեծ թատերական փառատոն երբեւէ չի եղել»,-շեշտեց թատրոնի տնօրենը:

Փառատոնն իրակնացնում է Հայաստանի թատերական գործիչների միությունը , Աբովյանի քաղաքապետարանի հետ համատեղ:

ԶՎԱՐԹ ԽԱՉԱՏՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝