«ԱԴՐԲԵՋԱՆԸ ՄՈՏԱԿԱ ԺԱՄԱՆԱԿ ԽԵԼՔԸ ԳԼՈՒԽԸ ԿՀԱՎԱՔԻ»
Արխիվ 12-16
«ԱԴՐԲԵՋԱՆԸ ՄՈՏԱԿԱ ԺԱՄԱՆԱԿ ԽԵԼՔԸ ԳԼՈՒԽԸ ԿՀԱՎԱՔԻ»
Երեկ կառավարության նիստից հետո լրագրողներիս հետ ճեպազրույցում ՀՀ արտաքին գործերի նախարարի առաջին տեղակալ ՇԱՎԱՐՇ ՔՈՉԱՐՅԱՆՆ անդրադարձավ հայ-ադրբեջանական սահմանային լարվածությանը:
Ըստ փոխնախարարի. «Ադրբեջանը համապատասխան հակահարված ստանում է, եւ, կարծում եմ` մոտակա ժամանակ խելքը գլուխը կհավաքի: Ինչ վերաբերում է ստեղծված ընդհանուր իրավիճակին, ապա պետք է նշեմ, որ իրենք արդեն անցել են բոլոր սահմանները: Եվ խոսքը վերաբերում է ոչ միայն ուղղակի սահմանային գործողություններին, այլ նաեւ այն լկտիությանը` միջազգային իրավունքի իրենց իսկ ստանձնած պարտավորությունների հանդեպ: Վերջիվերջո, կա 1994 թվականի եռակողմ համաձայնագիր, որն այն ժամանակ Ադրբեջանն էր խնդրել Լեռնային Ղարաբաղի իշխանություններին այդ զինադադարը կնքել: Կա նաեւ 1995 թվականի պայմանագիր` զինադադարի ռեժիմն ամրապնդելու մասին, այսինքն` ստացվում է, որ միջազգային իրավունքն իր համար ոչինչ է: Ստացվում է, որ Ադրբեջանն առաջնորդվում է նույն վարվելակերպով, որը դրսեւորում են այսօրվա ահաբեկչական տարբեր կազմակերպությունները: Նույն ձեռագիրն է` մարդկանց սպանել, հուշարձանները ոչնչացնել` խոսքը Նոր Ջուղայի խաչքարերի մասին է: Այնպես որ, ինձ թվում է` Ադրբեջանն իր քայլերով մոտեցնում է, որպեսզի հասունանա Լեռնային Ղարաբաղի Հանրապետության միջազգային ճանաչման գործընթացը»:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
18878 դիտում
2
11180 դիտում
3
9769 դիտում
4
1611 դիտում
5
1573 դիտում
2
17658 դիտում
5
8049 դիտում
5
8276 դիտում
