«ՀԱՅԱՍՏԱՆՈՒՄ ԼԻՔԸ ԿԻԼԵՐՆԵՐ ԿԱՆ». ՍԻՍԼՅԱՆԸ`ՎԱՀԱՆ ՄԱՐՏԻՐՈՍՅԱՆԻՆ ԱՍԱԼԱ-Ի ԿՈՂՄԻՑ ՍԱՏԿԱՑՆԵԼՈՒ ՄԱՍԻՆ

«ՀԱՅԱՍՏԱՆՈՒՄ ԼԻՔԸ ԿԻԼԵՐՆԵՐ ԿԱՆ».

ՍԻՍԼՅԱՆԸ` ՎԱՀԱՆ ՄԱՐՏԻՐՈՍՅԱՆԻՆ ԱՍԱԼԱ-Ի

ԿՈՂՄԻՑ ՍԱՏԿԱՑՆԵԼՈՒ ՄԱՍԻՆ

Ֆեյսբուքյան որոշ օգտատերեր  շարունակում են քննարկել Ադրբեջան փախած դավաճան Վահան Մարտիրոսյանի հայտարարությունները: Ավելին` որոշ օգտատերեր առաջարկում են «ԱՍԱԼԱ»-ին   սատկացնել Վահան Մարտիրոսյանին: «Իրավունքը» ԱՍԱԼԱ-ի  բացահայտված անդամ, «Վան» գործողության հրամանատար Վազգեն Սիսլյանից պարզեց` արդյոք Վահան Մարտիրոսյանով պետք է ԱՍԱԼԱ-ն զբաղվի: «Ընդհանրապես նման հայվաններին արժեք տալն ու նրանցով հետաքրքրվելը  ավելորդ չեմ համարում: Սրիկա է, գնացել է: Նրա մեջ ադրբեջանցու արյուն է հոսում: Ինչ ուզում է, թող գնա պատմի»,- ասաց Սիսլյանը:

Նրա համար անհասկանալի է` ինչո՞ւ են ամեն հարցի  համար ԱՍԱԼԱ-ին հիշում, տպավորությունն այնպիսին է, որ Գաղտնի բանակը պատվերով մարդասպանություն է կատարում: «ԱՍԱԼԱ-ն ազգային  հարցերի լուծման խնդիր է դնում, ոչ թե մարդասպանության: «Հայաստանում  լիքը կիլերներ կան, թող մեկը գնա անի (նկատի ունի սպանի): Էսքան հայության մեջ մեկը պատիվ  չունի՞: ԱՍԱԼԱ-ի պայքարն ուղղված էր թուրքական իշխանության դեմ»,- հիշեցնում է մեր զրուցակիցը:

ԱՍԱԼԱ-ին հիշելու փոխարեն «Վան» գործողության հրամանատարը խորհուրդ  տալիս չմոռանալ` մենք պետություն ունենք, ԱԱԾ-ն քնա՞ծ է, նման բաներ պետք է պահանջեք նրանից: «Ես կազմակերպության անունից չեմ խոսում, այլ հայտնում եմ իմ կարծիքը»,- եզրափակեց ԱՍԱԼԱ-ի  անդամը:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝