«ՄԵԹՅՈՒ ԲՐԱՅԶԱՆ ՎԱՂՈՒՑ ԹՈՒՐՔ-ԱԴՐԲԵՋԱՆԱԿԱՆ ՔԱՐՈԶՉՈՒԹՅԱՆ ԳՈՐԾԻՔ Է»
Արխիվ 12-16
«ՄԵԹՅՈՒ ԲՐԱՅԶԱՆ ՎԱՂՈՒՑ ԹՈՒՐՔ-ԱԴՐԲԵՋԱՆԱԿԱՆ ՔԱՐՈԶՉՈՒԹՅԱՆ ԳՈՐԾԻՔ Է»
Բաքվին եւ Անկարային տարիներ շարունակ ծառայություններ մատուցող Մեթյու Բրայզան, ով ժամանակին եղել է Մինսկի խմբում ԱՄՆ նախկին համանախագահ, ապա Բաքվում ԱՄՆ դեսպան, իսկ հիմա էլ տաքուկ անկյուն է գտել Էստոնիայում, անդրադարձել է ՀՀ նախագահ Սերժ Սարգսյանի` Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի 6-րդ նիստի ժամանակ հնչեցրած հայտարարությանն առ այն, որ Լեռնային Ղարաբաղը Հայաստանի անբաժան մասն է: Ըստ թուրք-ադրբեջանական լոբբինգին ծախված կերպարանքի` Ս. Սարգսյանն իր հայտարարությամբ վիրավորել է արցախահայերին, որոնք այսքան տարի մտածել են, թե իրենք են իրենց ճակատագրի տերը, որ իրենք են ղեկավարում իրենց հանրապետությունը` ընտրելով նախագահ, վերահսկելով տնտեսությունը եւ այլն: Այո, իր կարճ խելքով նավթադոլարներ ստացած ամերիկացին փորձում է սեպ խրել Հայաստանի եւ Լեռնային Ղարաբաղի հանրապետությունների միջեւ, ինչի մասին էլ «Իրավունքը» զրուցեց քաղաքագետ ՀՐԱՆՏ ՄԵԼԻՔ-ՇԱՀՆԱԶԱՐՅԱՆԻ հետ.
– Նախ նշեմ, որ Մեթյու Բրայզայի անձը այն մասշատբը չունի, որ նրա ամեն ասած մտքից վիրավորվեն կամ լուրջ վերաբերվեն: Պարզ է, որ Մեթյու Բրայզան վաղուց թուրք-ադրբեջանական քարոզչության գործիք է, եւ նրա հայտարարությունները համարել որպես օբյեկտիվ քաղաքագետի կամ առավել եւս դիվանագետի գնահատական, կարծում եմ` միամտություն կլիներ: Այս դեպքում նա ընդամենն արտահայտում է ադրբեջանական քարոզչամեքենայի թեզերը եւ այդպիսով փորձում է ինչ-որ հեղինակություն ձեռք բերել, որը վաղուց չունի: Բոլոր դեպքերում, այլեւս ոչ օբյեկտիվ գործիչ է Բրայզան: Իսկ ինչ վերաբերում է ընդհանրապես Հայաստանի քաղաքականության փոփոխության մասին հնչեցված գնահատականին, ապա շատ անուշադիր է եղել Բրայզան: Ցավալի է, որ լինելով Մինսկի խմբի համանախագահ, մինչ այդ էլ բարձր պաշտոն զբաղեցնելով պետքարտուղարության կազմում, նա այդպես էլ չի ընկալել Հայաստանի իրական քաղաքական նպատակները` հայ-ադրբեջանական հակամարտության հարցում: Սա խոսում է նրա ոչ պրոֆեսիոնալ դիավանգետ լինելու մասին:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
18857 դիտում
2
11180 դիտում
3
6009 դիտում
4
1604 դիտում
5
1560 դիտում
2
17658 դիտում
4
8049 դիտում
4
8276 դիտում
