ԳԵՏԱՓՑԻՆԵՐԸ ՆՈՐ ՍԱՀՄԱՆԱԴՐՈՒԹՅԱՆ ՏԵՔՏՍՆ ԱՌԱՆՑ ԸՆԹԵՐՑԵԼՈՒ` « ԱՅՈ՞» ԵՆ ԱՍԵԼՈՒ

ԳԵՏԱՓՑԻՆԵՐԸ ՆՈՐ ՍԱՀՄԱՆԱԴՐՈՒԹՅԱՆ ՏԵՔՏՍՆ

ԱՌԱՆՑ  ԸՆԹԵՐՑԵԼՈՒ` « ԱՅՈ՞» ԵՆ ԱՍԵԼՈՒ

Նոր Սահմանադրության հանրաքվեն, հավանաբար, տեղի կունենա  այս տարվա դեկտեմբերի վեցին: «Իրավունքը» Վայոց ձորի մարզի Գետափ համայնքի ղեկավար Գագիկ Ալոյանից հետաքրքրվեց` Գետափում քանիսը գիտեն, թե ինչ ասել է սահմանադրական բարեփոխումներ: Կոնկրետ  քանիսը գիտեն, չեմ կարող ասել: բայց քննարկումները գյուղի,  մշակույթի կենտրոնում ընթանում են: Բոլոր դեպքերում նորմալ են վերաբերվում բարեփոխումներին:

- Դուք` որպես գյուղապետ, քարոզո՞ւմ եք ձեր համագյուղացիներին «այո՞» ասել նոր սահմանադրությանը:

- Այո:

- Իսկ «ոչ» ասողներ կա՞ն Գետափում:

- Չեմ նկատել:

- Ձեր համայնքի բնակիչներից  քանի՞սն են  ընթերցել նոր սահմանադրության տեքստը:

- Չեմ կարող ասել:

- Բա ինչո՞ւ  պետք է այո ասեն նոր սահմանադրությանը:

- Դե հեռուստացույցից են լսում նոր սահմանադրության մասին:

- Լուրեր են շրջանառվում, որ  մարզպետներն ու գյուղապետերը հրահանգում են  իրենց համագյուղացիներին «այո» ասել  նոր սահմանադրությանը:

- Մենք նման  հրահանգ չենք ունեցել: Բայց ես շփումներից զգում եմ, որ հա են ասելու սահմանադրությանը:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝