ԼՈՒՅՍ Է ՏԵՍԵԼ ԼԵՎՈՆ ՄԵԼԻՔ-ՇԱՀՆԱԶԱՐՅԱՆԻ «О ВОЙНЕ И ПОБЕДЕ» ԳԻՐՔԸ

ԼՈՒՅՍ Է ՏԵՍԵԼ ԼԵՎՈՆ ՄԵԼԻՔ-ՇԱՀՆԱԶԱՐՅԱՆԻ «О ВОЙНЕ И ПОБЕДЕ» ԳԻՐՔԸ

Կյանքի վերջին տարիները հայտնի քաղաքագետ  ԼԵՎՈՆ ՄԵԼԻՔ-ՇԱՀՆԱԶԱՐՅԱՆԸ նվիրել է հրապարակախոսական եւ վերլուծակական աշխատանքեր գրելուն:  Հայ-ադրբեջանական հարաբերությունների եւ ԼՂՀ հակամարտությանը նվիրված քաղաքագետի հոդվածների մի մասը տեղ են գտել «О войне и победе» երկհատորյակում, որի շնորհանդեսը տեղի ունեցավ այսօր, ցավոք քաղաքագետը չհասցրեց տեսնել գիրքը:

Քաղաքագետ ՀՐԱՆՏ ՄԵԼԻՔ-ՇԱՀՆԱԶԱՐՅԱՆԻ խոսքով`գրքում տեղ գտած հոդվածների եւ դրանց մշակման ու վերադասավորման վրա աշխատել է անձամբ հայրը. «Գրքի վրա աշխատեց մինչեւ կյանքի վերջին օրերն, անընդհատ խմբագրում եւ վերախմբագրում էր: Բավականին մեծ նվիրումուվ էր աշխատում եւ այդ աշխատանքը դարձավ նրա կյանքի ամենամեծ նվիրումը եւ իմաստը: Ծանր հիվանդության ժամանակ, երբ մի քանի րոպեով գիտակցության էր գալիս զարմանալի էր, բայց կրկին աշխատում էր գրքի վրա»,-նշեց Հ. Մելիք-Շահնազարյանը: Ըստ նրա` «О войне и победе» երկհատորյակում տեղ գտած հոդվածներն այսօր էլ արդիական են, դրանցում ամբողջական ներկայացվում է հայ -ադրբեջանական հարաբերությունները եւ արժեքավորը` ամբողջական մոտեցումն է  հակամարտությանը: Գրքում տեղ են գտել նաեւ փաստաթղթեր, որոնք ներկայացնում են պատերազմի ժամանակ Ադրբեջանի իշխանությունների կողմից իրականացված գործողությունները.«Ներկայացված են նաեւ որոշ հիշողություններ իր մասնակցությամբ հանդիպումներից, ինչպես նաեւ վերլուծական գնահատականներ, որոնք ըստ էության յուրահատուկ էին նրա համար: Նա երբեք չէր մտածում, որ հայ -ադրբեջանական հակամարտությունն ունի քաղաքական լուծում: Հարցի միակ լուծումը նա տեսնում էր ազատագրված տարածքների վերաբնակեցման մեջ: Հայրս ամեն ինչ անում էր, որպեսզի հայ -ադրբեջանական հարաբերությունները եւ հայ-թուրքական թշնամությունն ունենա ճիշտ իրավական,  քաղաքական եւ պատմական բնութագրում եւ ճիշտ ընկալվի հասարակության կողմից»,-ավելացրեց քաղաքագետը:

Գրքում տեղ գտած հոդվածների դասակարգմանը մասնակցել է նաեւ ԵԼԵՆԱ ԽԱՉԱՏՐՅԱՆԸ.«Առաջին գրքում տեղ է գտել Լ. Մելիք-Շահնազարյանի հոդվածներից մեկը, որտեղ նա ցուց է տալիս, որ Հայոց ցեղասպանությունը սԿսվել է դեռեւս այն ժամանակ, երբ քոչվոր թուրքերը մտան հայկական բարձրավանդակ: Հաջորդ երկու գրքերը Ադրբեջանի եւ Արցախի մասին են, որտեղ Լեւոնը  բարձրցնում է մի հարց, որն այսօր պետք է դրված լիներ մեր դիվանագետների սեղանին, այն է, որ Ադրբեջանն իր անկախությունը ձեռք է բերել անօրինական ճանապարհով: Նա փաստաթղթերով հիմնավորել է, որ Ադրբեջանը զինված ագրեսիա է իրագործել ազատագրված Արցախի նկատմամբ»,-փաստեց Ե. Խաչատրյանը:

Նշենք, որ հրատարակված գրքի օրինակները հիմնականում կբաժանվեն մասնագետներին եւ ուսանողներին:

ԶՎԱՐԹ ԽԱՉԱՏՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝