ԴԱՆԻԵԼ ԻՈԱՆՆԻՍՅԱՆ. ««ԺԱՌԱՆԳՈՒԹՅՈՒՆՈՒՄ» ՆԵՐՔԻՆ ԲՌՆԱՏԻՐՈՒԹՅՈՒՆ Է»
Արխիվ 12-16
ԴԱՆԻԵԼ ԻՈԱՆՆԻՍՅԱՆ. ««ԺԱՌԱՆԳՈՒԹՅՈՒՆՈՒՄ»
ՆԵՐՔԻՆ ԲՌՆԱՏԻՐՈՒԹՅՈՒՆ Է»
Մի շարք հասարակական կազմակերպություններ միացել են նոր սահմանադրությանը դեմ «Ոչ»-ի ճակատին, սակայն «Իրազեկ քաղաքացիների միավորում» ՀԿ-ի ծրագրերի համակարգող Դանիել Իոաննիսյանն իրավունքին տեղեկացրեց, որ իրենք չեզոք դիրքորոշում ունեն նոր սահմանադրության նախագծի վերաբերյալ եւ չեն միացել «Ոչ»-ի ճակատին: «Ես դեմ եմ նախագծին, բայց ՀԿ-ն չեզոք դիրքորոշում է որդեգրել»,- ասաց Իոաննիսյանը:
ՀԿ-ի ներկայացուցչի խոսքով` կարեւորն այն է, որ քաղաքացիները տեղյակ լինեն սահմանադրական բարեփոխումների գործընթացին:
«Ոչ»-ի ճակատի մաս է նաեւ «Ժառանգություն» կուսակցությունը, որից վերջերս է դուրս եկել Ռուբեն Հակոբյանը:Դանիել Իոաննիսյանից պարզեցինք` հնարավո՞ր է նա հետ վերադառնա կուսակցություն, քանի որ ժամանակին` երկու տարի առաջ, նաեւ Ռուբեն Հակոբյանի պատճառով լքեց այն: «Ես հեռացա ոչ միայն Հակոբյան Ռուբենի պատճառով, այլեւ ներքին ժողովրդավարական մեխանիզմների չգործելու պատճառով: Նախ ես ամենասկզբից չէի հասկանում, թե պրն Հակոբյանն ինչ է անում կուսակցությունում: Եթե 2007-2008-ին կար ներքին ժողովրդավարություն, ապա 2012 թ-ին այն վերացվեց փաստացի: Ես չեմ վերադառնա «ժառանգություն», քանի որ կուսակցությունն ինձ համար չէ: Երկրորդ` որեւէ մեկն այնտեղ չի վերականգնել ներքին ժողովրդավարությունը: ՀՀԿ-ի հետ համեմատ, իհարկե, «ժառանգությունը» ժողովրդավար է, սակայն եթե համեմատենք ժողովրդավարության չափանիշների հետ, տեսնում ենք, որ ներքին ժողովրդավարություն չկա»,- ասաց նախկին ժառանգականը:
Մեր դիտարկմանը, եթե ներքին ժողովրդավարություն չկա, ուրեմն կա ներքին բռնատիրություն, նախկին «ժառանգականը» դրական պատասխանեց` այո, իհարկե:
Հարցին` ո՞վ է հաստատում այդ բռնատիրությունը, Իոաննիսյանն ասաց. «Րաֆֆի Հովհաննիսյանը. «Ժառանգությունում» չի կարող լինել որեւէ որոշում, որը կարող է դեմ լինել Րաֆֆի Հովհաննիսյանին»:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
22871 դիտում
2
18968 դիտում
3
11237 դիտում
4
1644 դիտում
5
1623 դիտում
3
17674 դիտում
5
8058 դիտում
5
8286 դիտում
