Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԵՎՐՈ-2016-Ի ԱՆՀԱՋՈՂՈՒԹՅՈՒՆՆԵՐԸ ՉԿՐԿՆԵԼՈՒ ՀԱՄԱՐ ՊԵՏՔ Է ՃԻՇՏ ԴԱՍԵՐ ՔԱՂԵԼ

Արխիվ 12-16

ԵՎՐՈ-2016-Ի ԱՆՀԱՋՈՂՈՒԹՅՈՒՆՆԵՐԸ ՉԿՐԿՆԵԼՈՒ ՀԱՄԱՐ ՊԵՏՔ Է ՃԻՇՏ ԴԱՍԵՐ ՔԱՂԵԼ

 

Ֆուտբոլի Հայաստանի հավաքականը նախապատրաստվում է Ֆրանսիայի ընտրանու դեմ ընկերական հանդիպմանը, որը Եվրո-2016-ի ընտրական փուլի համար նախավերջինը կլինի մեր ընտրանու համար: Չնայած վերջին պաշտոնական՝ Ալբանիայի ընտրանու դեմ հանդիպումը եւս հազիվ հանդիսականների համար հետաքրքրություն ներկայացնի, քանի որ այդ խաղից գործնական սպասելիք չկա:

Ինչեւէ՝ իր բոլոր շանսերը կորցրած ֆուտբոլի Հայաստանի հավաքականը խաղում է բացառապես «պատվի համար», ու չնայած վերջին երկու խաղերն էլ այդ «կարգավիճակում» էին, մեկ է՝ «պատվի հարցն» էլ դեռ չի լուծվել: Միգուցե ֆրանսիացիների հետ ինչ-որ բան ստացվի` հաշվի առնելով, որ ընտրական փուլից ազատված Ֆրանսիայի հավաքականը կարող է իրեն գեղեցիկ ֆուտբոլ խաղալու շռայլությունը թույլ տալ: Ամեն դեպքում այդ խաղում, այսինքն՝ մինչ ալբանացիների հետ պաշտոնական տնային հանդիպումը Սարգիս Հովսեփյանը մի շարք հարցեր պետք է լուծի: Ավելի կոնկրետ՝ այն բոլոր սուր հարցերը, որոնք կային դեռ Դանիայի ընտրանու դեմ հանդիպումից առաջ, եւ որոնցից ոչ մեկը գործնականում չլուծվեց: Նախ՝ Յուրա Մովսիսյանի եւ Օզբիլիսի ոչ այնքան լավ մազավիճակը մեծ ազդեցություն է ունենում թիմի խաղի որակի վրա: Եվ այսօր էլ՝ ոչ միայն Օզբիլիսի խաղային պրակտիկայի պակասի հարցը տեղից չի շարժվել, դեռ մի բան էլ` Մովսիսյանը ստացած վնասվածքի արդյունքում նույնպես զրկվում խաղադաշտ դուրս գալու հնարավորությունից: Այսպիսով՝ հարձակման գծում դարձյալ լուրջ խնդիրներ են, ու էլի միակ հույսը մնում է Հենրիխ Մխիթարյանը: Այլ հարց է՝ Սարգիս Հովսեփյանը ինչ եզրակացություններ է արել վերջին հանդիպումներից հետո եւ արդյոք Մխիթարյանին դուրս կբերի՞ հարձակման գիծ: Բայց այդ դեպքում էլ կարող են խնդիրներ առաջանալ կենտրոնում, այն տարբերությամբ, որ այստեղ բացը լրացնելու որոշ տարբերակներ Հովսեփյանը կարող է գտնել:
Բայց մեկ է՝ հիմնական խնդիրը մնում է պաշտպանության օղակը...
Այսպիսով՝ ուր էլ նայում ենք, միայն չլուծված խնդիրներ են: Իհարկե՝ Եվրո-2016-ը կարեւոր եւ սպասված իրադարձություն էր, բայց դրանով ոչինչ չի ավարտվում, ի վերջո պետք է մտածել ապագայում այսօրինակ խոշոր մրցաշարերը չտապալելու մասին: Իսկ դրա համար մեկ պարզ բան է պետք հաշվի առնել. ինչպես մի շարք հայկական` անգամ հենակետային մարզաձեւերում, այնպես էլ ֆուտբոլում կա սերնդափոխության խնդիր: Մինչդեռ այս պահին ազգային ընտրանին չունի անգամ համարժեքին մոտ երկրորդ կազմ, հաշվի առնելով, որ երիտասարդական հավաքականում խնդիրները շատ ավելի լուրջ ու խորքային են, քան ազգային հավաքականում: Իսկ դա նշանակում է, որ նույն Մխիթարյանին, Մովսիսյանին, Անդոնյանին փոխարինողներ չկան:
Եվ վերջապես, առաջնային հարց է մնում հավաքականի գլխավոր մարզչի ընտրությունը: Ալբանացիների դեմ հանդիպումից հետո վերջնականապես պարզ կլինի` ինչ աշխատանք է տարել Սարգիս Հովսեփյանը, եւ արդյոք նպատակահարմա՞ր է թիմում նրա մնալը: Բայց ինչ լուծում էլ լինի, այն պետք է էս գլխից տալ. ի վերջո Աշխարհի առաջնության ընտրական փուլը սարերի ետեւում չէ:

ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ