18 ՔՐԵԱԿԱՆ ԳՈՐԾ` ՊԱՏՄԱՄՇԱԿՈՒԹԱՅԻՆ ՀՈՒՇԱՐՁԱՆՆԵՐԻ ՈՏՆՁԳՈՒԹՅԱՆ ՀԱՄԱՐ
Արխիվ 12-16
18 ՔՐԵԱԿԱՆ ԳՈՐԾ` ՊԱՏՄԱՄՇԱԿՈՒԹԱՅԻՆ ՀՈՒՇԱՐՁԱՆՆԵՐԻ ՈՏՆՁԳՈՒԹՅԱՆ ՀԱՄԱՐ
Վերջին շրջանում «Զվարթոց» տաճարում տեղի ունեցած, ապա մեծ աղմուկ բարձրացրած «փարթի» միջոցառումը, պարզվում է, տաճարի տարածքում տեղի ունեցած միակ «փարթին» է եղել: Այս մասին լրագրողների հետ հանդիպման ժամանակ փաստեց «Պատմամշակութային արգելոց-թանգարանների եւ պատմական միջավայրի պահպանության ծառայություն» ՊՈԱԿ-ի տնօրեն ՎԼԱԴԻՄԻՐ ՊՈՂՈՍՅԱՆԸ: Ըստ նրա` շատ էր խոսվում այն մասին, որ միջոցառման ժամանակ խաթարվել է «Զվարթնոցի» հուշակոթողը եւ պարիսպը. «Դեպքը քննեցին իրավապահները, սակայն նման բան չէր գրանցվել: Կա ՀՀ մշակույթի նախարարի հրաման, եւ յուրաքանչյուր նմանօրինակ դեպք, որպես լիազոր մարմին ներկայացնում ենք նախարարություն, որից հետո այն քննվում է»,- նշեց Վ. Պողոսյանը:
Ավելին` ՊՈԱԿ-ի տնօրենի հավաստմամբ` այսօր Հայաստանում պատմական հուշարձաններն ավելի շատ վնասում են մարդիկ, մանավանդ, եթե տվյալ հուշակոթողը պատրաստված է բրոնզից կամ այլ թանկարժեք մետաղներից: Այս առումով պատմամշակութային հուշարձանների նկատմամբ ոտնձգությունների համար այսօր իրավապահ մարմինների մոտ գտնվում է 18 քրեական գործ. «Մենք իրականացնում ենք պետական սեփականություն համարվող եւ չօգտագործվող հուշարձանների պահպանություն: Բնականաբար, հուշարձանների նկատմամբ ոտնձգություններ լինում են: Այն անձինք, ովքեր իրենց թույլ են տալիս ոչնչացնել հուշարձանները, նրանք ստանում են համապատասխան պատիժ»,- շեշտեց Վ. Պողոսյանը:
Ինչեւէ, այս պարզաբանումից հետո, վատ չէր լինի, որ նույնքան ակտիվորեն, ինչպես հանրությունն արձագանքեց ու քննադատեց զվարթնոցյան փարթիին, այսօր էլ շարունակեր բարձրաձայնել ու երբեմն էլ բռնել այն մարդկանց ձեռքը, ովքեր կփորձեն ձեռք բարձրացնել պատմամշակութային որեւէ արժեքի վրա: Ի վերջո, դավաճանությունը միայն Ադրբեջանում քաղաքական ապաստան գտնելը չէ, այլ նաեւ այն, որ սեփական ժառանգությունը պղծվում է հայի ձեռքով:
Կույտը մշակեց ԶՎԱՐԹ ԽԱՉԱՏՐՅԱՆԸ
Բաժանորդագրվե՛ք https://t.me/iravunk
1
23358 դիտում
2
18968 դիտում
3
11237 դիտում
4
1644 դիտում
5
1623 դիտում
3
17674 դիտում
5
8058 դիտում
5
8286 դիտում
