Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԻՆՉՈՒ ՀԱՅԿԱԿԱՆ ՎԱՐՈՒՆԳՆ ԱՅՍ ՏԱՐԻ ՉԻ ԱՐՏԱՀԱՆՎՈՒՄ

Արխիվ 12-16

ԻՆՉՈՒ ՀԱՅԿԱԿԱՆ ՎԱՐՈՒՆԳՆ ԱՅՍ ՏԱՐԻ ՉԻ ԱՐՏԱՀԱՆՎՈՒՄ

 

Շարունակում է պարբերաբար հնչել հողագործների բողոքները՝ կապված մթերումների հետ: Դեռ միայն օրերս էր, որ դժգոհում էին խաղողագործները, թե բերքի մի մասը կարող է գնորդ չունենալ: Եվ ահա հիմա էլ տարբեր համայնքներից դժգոհություններ են հնչում, որ վարունգը եւս մթերումների լուրջ խնդիր ունի, ու մշակողները կանգնած են բավականին լուրջ կորուստների հեռանկարի առաջ: Թե ինչ է կատարվում, փորձեցինք մանրամասներ ստանալ ՀՀ գյուղատնտեսության փոխնախարար ՌՈԲԵՐՏ ՄԱԿԱՐՅԱՆԻՑ, ով հաստատեց լուրերի իսկությունը.

-Այո, մի քանի համայնքներում վարունգի մթերման խնդիր կա, եւ անցյալ տարվա համեմատ այս տարի այդ խնդիրը բավականին սուր է: Մենք եղել ենք մի քանի համայնքներում, տեղում ծանոթացել իրավիճակին: Խնդիրը լուծվելու է երկու տարբերակով` փոքր վարունգները, որոնք ենթակա են վերամշակման, մթերվելու են վերամշակող կազմակերպությունների կողմից, իսկ մյուս մասը պետք է վաճառվի շուկայում: Պահածոների գործարաններն անգամ պլանավորածից ավել են մթերում, որպեսզի կարողանան որոշակի չափով խնդրի կարգավորմանը նպաստել: Մնացած մասն էլ, ինչպես նշեցի, կվաճառվի շուկայում. մենք գյուղապետների հետ պայմանավորվեցինք, որ շաբաթ-կիրակի օրերին Երեւան քաղաքում գործող տոնավաճառներում լրացուցիչ անվճար տեղեր հատկացվեն վարունգ վաճառելու համար:
- Գյուղացիները հատկապես դժգոհում են` պնդելով, որ անցյալ տարի նրանք հնարավորություն ունեին բերքը արտահանել Վրաստան եւ Ռուսաստան, իսկ այս տարի զրկված են նման հնարավորությունից: Ինչո՞ւ:
- Ես ինքս էլ կցանկանայի անդրադառնալ այդ հարցին: Նախ ասեմ, որ լուրեր են տարածվում, որ հայկական կողմը հարկեր է սահմանել գյուղմթերքների արտահանման համար: Այնինչ, նման բան չկա. գյումթերքների արտահանումը ամբողջովին ազատված է հարկերից, եւ անցյալ տարվա համեմատ, ընդհակառակը` ընթացակարգերը պարզեցվել են: Խնդիրն այն է, որ Վրաստանում եւ Ռուսաստանում այս տարի բավականին շատ վարունգի բերք կա, այդ իսկ պատճառով այլ երկրից ներմուծելու պահանջարկ չկա: Սա է ընդամենը, այլ արհեստական խոչընդոտներ չկան:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ