ՊԱՇՏՊԱՆՈՒԹՅԱՆ ՆԱԽԿԻՆ ՆԱԽԱՐԱՐՆ ԻՐ ԾԵԾՎԱԾ ԽՈՐՀՐԴԱԿԱՆԻ ՄԱՍԻՆ
Արխիվ 12-16
ՊԱՇՏՊԱՆՈՒԹՅԱՆ ՆԱԽԿԻՆ ՆԱԽԱՐԱՐՆ ԻՐ ԾԵԾՎԱԾ ԽՈՐՀՐԴԱԿԱՆԻ ՄԱՍԻՆ
Անկախության տարեդարձին` հենց օրը ցերեկով, Երեւանի կենտրոնական փողոցում ազատամարտիկ Սմբատ Հակոբյանին ծեծի ենթարկելու մասին բազում տեսակետներ արդեն իսկ հնչել են: Իսկ թե ինչ կարծիքի է տեղի ունեցածի մասին Հանրային խորհրդի նախագահ ՎԱԶԳԵՆ ՄԱՆՈՒԿՅԱՆԸ, հատկապես, որ պաշտպանության նախարար եղած ժամանակ Ս. Հակոբյանը եղել է նրա խորհրդականը, «Իրավունքը» պարզեց հենց նրանից.
–Ես առավոտյան գնացել եմ իրեն այցելության: Իրենք տարբեր կասկածներ ունեն, թե ինչպես է կատարվել, բայց ես իմ կասկածները չեմ բարձրաձայնի: Շատ ցավալի դեպք է, բավականին վնասված է: Ես շատ ցավում եմ, որովհետեւ պատերազմով անցել է Սմբատ Հակոբյանն ու այդքան չի վնասվել, ինչքան այս փողոցային ծեծկռտուքի պատճառով: Տեսնենք ինչ կլինի:
– Պարոն Մանուկյան, տեղի ունեցածի մասին մի քանի տասնյակ կարծիքներ են հնչել...
– Տարբեր կարծիքներ չեմ ուզում քննարկել, ես կարծիքներով չեմ խոսում:
– Այնուամենայնիվ, պարոն Հակոբյանը եղել է Ձեր խորհրդականը, ի՞նչ կասեք նրա վարքագծի մասին` որպես գործընկեր:
– Միշտ էլ գոհ եմ եղել Սմբատ Հակոբյանից: Նա շարժման ժամանակ էլ, պատերազմի ժամանակ էլ իրեն լավ է պահել: Ինչ վերաբերում է տեղի ունեցածին, ենթադրություններով չեմ ուզում զբաղվել: Սմբատ Հակոբյանը կարող է ենթադրություններ էլ անել, ասել, որ ինչ-որ բաներ տեսել է, ես իրավունք չունեմ ոչ մի ենթադրություն անելու: Ուղղակի, իմ կրտսեր ընկերոջը շատ վատ ձեւով ծեծել են, կարեկցում եմ ու ամեն ինչով իրեն օգտակար կլինեմ: Եթե մեղավորներ էլ գտնվեն, պետք է անպայման հետեւել, որպեսզի կրեն համապատասխան պատիժ:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
27139 դիտում
2
18987 դիտում
3
11242 դիտում
4
1666 դիտում
5
1638 դիտում
3
17674 դիտում
5
8058 դիտում
5
8286 դիտում
