Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԱՆԳԼԻԱՑԻ ՓՈՐՁԱԳԵՏ. «ՃՈ-Ի ԱՇԽԱՏԱԿԻՑՆԵՐՆ ՀԻՄԱ ԱՎԵԼԻ ՔԻՉ ԵՆ ՄԵՔԵՆԱՆԵՐ ԿԱՆԳՆԵՑՆՈՒՄ»

Արխիվ 12-16

ԱՆԳԼԻԱՑԻ ՓՈՐՁԱԳԵՏ. «ՃՈ-Ի ԱՇԽԱՏԱԿԻՑՆԵՐՆ ՀԻՄԱ

ԱՎԵԼԻ ՔԻՉ ԵՆ ՄԵՔԵՆԱՆԵՐ ԿԱՆԳՆԵՑՆՈՒՄ»

 

Անգլիացի միջազգային փորձագետ Քարլ Ուլբրիխտն արդեն 20-25 տարի պարբերաբար  այցելում է Հայաստան (անգամ հայերեն լավ գիտի), մասնակցում տարբեր ծրագրերի, որոնցից մեկն էլ  կառավարություն-քաղաքացիական հասարակություն հակակոռուպցիոն ծրագիրն է:  Պրն Ուլբրիխտն  իր ելույթում անդրադարձավ ՀՀ-ում ապօրինի հարստացման քրեականացման մարտահրավերներին: Մինչ ելույթը  «Իրավունքը» մի քանի հարց ուղղեց փորձագետին:

- Պրն Ուլբրիխտ, նախ հասկանանք`   ի՞նչ եք հասկանում ապօրինի հարստացում ասելով, երբ խոսում եք Հայաստանի մասին:


- ՄԱԿ-ի կոնվենցիայով ձեւակերպված է այդ դրույթը: Երբ մարդ ունի եկամուտ, որը օրինական աղբյուրից չէ եւ  պարզ չէ, թե որտեղից է  այն հայտնվում: Երբ խոսում եք ապօրինի հարստացումը քրեականացնելու մասին,  դա նշանակում է  կամ ազատազրկում կ վարչական տուգանք:

- Ձեր կարծիքով Հայաստանում շատ են ապօրինի ճանապարհով հարստացած պաշտոնյաները:

- Ես գիտեմ այնքան, ինչքան գրվում է թերթերում, ինտերնետում: Անկախ ապացույց չունեմ: Կարդում եմ, որ այս մեկը մեծ տուն ունի, շքեղ ավտոմեքենա ունի, ու երբ համեմատում ես պետական աշխատավարձի հետ, չես հասկանում` ոնց կարող է դա լինել:

- Գործնականում ինչպե՞ս եք պատկերացնում ապօրինի հարստացման քրեականացումը:

- Դա հեշտ չէ, իհարկե: Մի կողմից օրենքի ընդունումը, բայց մյուս կողմից  շատ են կազմակերպչական խնդիրները: Նախ եւ առաջ որ մարմինն է զբաղվելու այս հարցով, ոնց անի, որ անկախ ու անաչառ լինի:

- Հայաստանի իշխանությունը քաղաքական կամք ցուցաբերո՞ւմ է` պայքարելու  կաշառակերության դեմ:

- Դժվար է ասել: Նոր քրեական  օրենսգրքի նախագծի մեջ կա դրույթ ապօրինի հարստացման մասին: Մի քանի ամիս առաջ անգամ չէին էլ ցանկանում  քննարկել այս դրույթը կամ մաքսիմում  խոսում էին վարչական տուգանք նախատեսեն:

- Անգլիայում կոռուպցիայի դեմ պայքարն ի՞նչ մակարդակի վրա է:

- Հայաստանն ու Անգլիան տարբեր պատմություններ ունեն, տարբեր երկրներ են: Չէի ասի, որ Անգլիայում կոռուպցիա չկա, կա  իհարկե, բայց շատ ցածր  մակարդակի վրա է:

- Դուք 20-25 տարի է, որ կապված եք Հայաստանի հետ: Երբեւէ մեր երկրում կոռուպցիոն երեւույթի հետ առնչվե՞լ եք:

- Այո: Տարիներ առաջ ավելի շատ էին կանգնեցնում ճանապարհային ոստիկանության աշխատակիցներն առանց պատճառի մեքենա կանգեցնում, քան հիմա:

- Վերջին 25 տարիների ընթացքում  ՀՀ-ում կաշառակերության նվազում տեսնո՞ւմ եք:

- Որոշ ոլորտներում` այո: Օրինակ, ճանապարհային ոստիկանության ոլորտի աշխատակիցները  հիմա միայն խախտման ժամանակ են կանգնեցնում: Կաշառակերության նվազեցում եւ գործարքների հեշտացում արձանագրվում է նաեւ այն ոլորտներում, որտեղ ներդրված է էլեկտրոնային գրանցման մեխանիզմը:


ՍՈՆԱ ԴԱՎԹՅԱՆ





 

 

Հավանեցի՞ր հոդվածը, կիսվիր ընկերներիդ հետ