Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ԱՆԿԱԽ ՀԱՅԱՍՏԱՆԻ ՄԻԱԿ ԵՐԱՇԽԻՔԸ ՀԱՅՈՑ ԲԱՆԱԿՆ Է»

Արխիվ 12-16

«ԱՆԿԱԽ ՀԱՅԱՍՏԱՆԻ ՄԻԱԿ ԵՐԱՇԽԻՔԸ ՀԱՅՈՑ ԲԱՆԱԿՆ Է»

 

Այս տարի «Զվարթնոց» պատմամշակութային արգելոց-թանգարանը մեծ շուքով էր պատրաստվել ՀՀ անկախության 24-րդ ամյակին: Արգելոց-թանգարանն իր հարկի տակ էր հավաքել բազմաթիվ հյուրերի` թե՛ Հայաստանից, թե՛ արտերկրից` միասին տոնելու ազատ, անկախ Հայաստանի տարեդարձը: Տոնական միջոցառման մեկնարկը տրվեց զինծառայողների ռազմահայրենասիրական քայլերգով, որին հաջորդեց N զորմասի լավագույն զինծառայողների պարգեւատրման արարողությունը:

Շնորհավորելով անկախության 24-րդ տարեդարձը` ՀՀ ԶՈՒ ինժեներական զորքերի պետ, գեներալ-մայոր ԿԱՐԵՆ ԱԲՐԱՀԱՄՅԱՆԸ հայոց աշխարհին ու հայ ժողովրդին մաղթեց խաղաղ երկինք. «Հայոց պատմությունը հանուն ազատության մղվող պատմություն է, որի ապացույցներից մեկը Զվարթնոց տաճարն է: Այդ պայքարը շարունակվել է դարեր ու հազարամյակներ, ուժեղացել կամ թուլացել է, բայց երբեք չի դադարել: Անդադար պայքարի ընթացքում կռվել ու մարտնչել են, նաեւ արարել անկրկնելի արվեստ ու մշակույթ, արժեքներ, որոնք մինչ օրս հիացնում ու զարմացնում են ամբողջ աշխարհին: Հայ ժողովուրդը կարողացավ դիմագրավել նախորդ դարում իրեն բաժին հասած մարտահրավերները եւ 1991 թվականին Հայաստանը հռչակեց անկախ: 24 տարի առաջ վերադարձանք մեր զորության ակունքներին: Այսօր խորհրդանշական է, որ Հայաստանի ու Արցախի սահմանների անառիկությունը պահպանում են անկախության տարիներին ծնված հայ պատանիները` այն մարդկանց զավակները, ովքեր պայքարեցին եւ կյանքի գնով պահեցին հաղթանակը: Անկախության 24 տարիներ, որի ընթացքում ունեցանք երկու մեծ ձեռքբերում` ազատ, անկախ Հայաստանն, ազատագրված ու հաղթանակած Արցախը եւ Հայոց բանակ: Մեր անկախ Հայաստանի միակ երաշխիքը հայոց բանակն է, որը ձեռքբերված անկախության ամենամեծ գրավականն է»:
Տոնական տրամադրությունը շարունակվեց «Զվարթնոց» արգելոց-թանգարանում, որտեղ բացվեց «Ալեքսանդրապոլ-Գյումրու քաղաքային մշակույթը» խորագրով ցուցահանդես: Թանգարանի այցելուներին ներկայացվեց 19-րդ դարի վերջի եւ 20-րդ դարասկզբի քաղաքային կենցաղն ու մշակույթը: Լուսանկարների եւ չափագրությունների միջոցով ներկայացվեց Ալեքսանդրապոլի ժողովրդական ճարտարապետությունը, իսկ Երեւանի պատմության թանգարանում պահվող իրերով` տվյալ ժամանակահատվածի խոհանոցը, ննջասենյակը եւ միջին դասի քաղաքային բնակարանի ընդհանուր պատկերը: Ներկայացված ցուցանմուշներում արտացոլված էր նաեւ Ալեքսանդրապոլ-Գյումրու նյութական եւ հոգեւոր մշակույթը` թատրոն, դպրոց, երաժշտություն:
ԶՎԱՐԹ ԽԱՉԱՏՐՅԱՆ

Հավանեցի՞ր հոդվածը, կիսվիր ընկերներիդ հետ