Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՀԷՑ-Ի ԱՊԱԳԱ ՍԵՓԱԿԱՆԱՏԻՐՈՋ ՀԱՐՑԸ ԴԵՌ ՀԱՐՑԱԿԱՆԻ ՏԱԿ Է

Արխիվ 12-16

ՀԷՑ-Ի ԱՊԱԳԱ ՍԵՓԱԿԱՆԱՏԻՐՈՋ ՀԱՐՑԸ ԴԵՌ ՀԱՐՑԱԿԱՆԻ ՏԱԿ Է

 

Շարունակում է օրակարգային մնալ, թե ի վերջո ո՞ւմ է պատկանում Կիպրոսում՝ օֆշորային գոտում 2010 թվականի նոյեմբերից գրանցված «Լիորմանդ Հոլդինգզ Լիմիթեդ» ընկերությունը, որին «Ինտեր ՌԱՕ ԵԷՍ»-ը պատրաստվում է վաճառել «Հայաստանի էլեկտրական ցանցեր» ընկերությունը: Այս հարցի հետ կապված` մեր նախորդ հրապարակումներից մեկում նշել էինք, որ առաջին պլանում է Սամվել Կարապետյանի անունը, ում հնարավոր է միանան մոսկվաբնակ այլ գործարարներ եւս:

Մեր այդ հրապարակումից հետո էլ այս վարկածը ոչ միայն շարունակում է մնալ օրակարգում, այլեւ գնալով ավելի ու ավելի է ծավալվում: Ավելի ճիշտ, թե կոնկրետ ովքեր կդառնան ՀԷՑ-ի նոր սեփականատերերը, այսօր քչերն են կասկածում: Սակայն իր մեծ հավանականությամբ հանդերձ, նշված տարբերակն ունի մեկ մեծ «թերություն»՝ այն ընդամենը վարկած է ու քանի դեռ պաշտոնապես տեղեկատվություն չկա, մնալու է այդ կարգավիճակում: Առավել եւս, որ Ս. Կարապետյանի եղբայրը՝ Կարեն Կարապետյանը, ի պատասխան մեր հարցմանը, շեշտեց. «Ո՛չ, ո՛չ, նման բան չկա»:
Արդյունքում՝ ՀԷՑ-ի ապագա տերերի, ավելի կոնկրետ՝ «Լիորմանդ Հոլդինգզ Լիմիթեդ» օֆշորային ընկերության սեփականատերերի հարցը մնում է օրակարգում եւ հարցականի տակ: Մենք էլ փորձեցինք հայաստանյան գործարար դաշտի «խոշոր» ներկայացուցիչներից ճշտել՝ որեւէ բան գիտե՞ն ՀԷՑ-ի ապագա տիրոջ մասին:
Իր բազմաթիվ եւ բազմաբնույթ բիզնեսներով հայտնի գործարար, ԱԺ ՀՀԿ խմբակցության պատգամավոր ԳԱՐԵԳԻՆ ՆՈՒՇԻԿՅԱՆԸ, պարզվում է, նույնիսկ ՀԷՑ-ի բուն վաճառքին է վերապահումներով մոտենում.
- Բայց ո՞վ է հայտարարել, որ ՀԷՑ-ը պետք է վաճառվի:
- Համենայնդեպս՝ գործարքն ուսումնասիրելու մասին կառավարության որոշում կա:
- Դե՝ իրենք երեւի գիտեն, թե ում է վաճառվում, անհանգստանալու ի՞նչ կա: Որ համաձայնություն, թեկուզեւ նախնական կա, ուրեմն նպատակահարմար են գտել, ուրեմն ճիշտը դա է:
- Ձեզ չի հետաքրքրո՞ւմ` ով է լինելու նոր սեփականատերը:
- Կարծում եմ, որ կխոսվի, կասվի:
- Ասում են, թե «Տաշիր» ընկերության սեփականատերն է ՀԷՑ-ի ամենահավանական նոր սեփականատերը:
- Չեմ կարող ասել: Համենայնդեպս՝ Կարեն Կարապետյանը հերքում է այդ փաստը, մի քանի անգամ նույնիսկ դրա մասին խոսել է:
Իսկ առհասարակ՝ միգուցե էդ գնորդը մեզ բարեկամ է ու ավելի սրտացա՞վ լինի, քան ներկայիս սեփականատերը. ես չգիտեմ: Կարծում եմ, որ ժամանակի ընթացքում բոլորս կիմանանք իրական գնորդի մասին:
ԱԺ մեկ այլ գործարար-պատգամավոր` ԱՐԱԳԱԾ ԱԽՈՅԱՆԸ եւս նոր սեփականատիրոջ մասին, իր խոսքով, թեեւ բան չգիտի, բայց արդեն գրեթե հերոսացնում է նրան.
- Ինձ, իհարկե, չի կարող չհուզել, չմտահոգել, թե ում է վաճառվում նման ստրատեգիական, շատ կարեւոր նշանակություն ունեցող ընկերությունը: Բայց նաեւ ողջունում եմ այդ ռիսկով անձնավորությանը կամ ընկերությանը, ով նման մեծ բեռի տակ է մտնում: Մենք բոլորս էլ գիտենք, թե ինչ արատավոր երեւույթներ կան, նախկինում ինչ եղավ եւ հիմա ինչ պիտի անել: Այնպես որ, հուսով եմ՝ բոլոր հաշվարկները ճիշտ են արված, եւ այսօրվա գնորդի մեջ կարելի է նաեւ հերոսության ինչ-որ ժեստեր նկատել:
- Իսկ բուն գործարքի մասին ի՞նչ կասեք:
- Ակնկալում եմ, որ գնորդը ՀԷՑ-ը ձեռք կբերի նրա բոլոր պարտավորություններով: Իսկ թե ով է այդ գնորդը, ինձ առանձնապես չի հուզում. ուղղակի կարող եմ ասել, որ իրոք ռիսկով անձնավորություն է:
«Կիլիկիա» գարեջրի սեփականատեր գործարար-պատգամավոր ՀԱԿՈԲ ՀԱԿՈԲՅԱՆԻՆ եւս այս պահին չի հուզում նոր սեփականատիրոջ ով լինելը.
- Երբ գործարքը կմոտենա կայացմանը, այդ ժամանակ ե՛ւ ես, ե՛ւ Դուք, ե՛ւ ընդհանրապես հանրությունը կիմանա, թե ովքեր են գնորդները: Այդ ժամանակ, եթե մտահոգության հարց լինի, հաստատ իմացեք՝ ես իմ ձայնը կբարձրացնեմ: Բայց այսօր դրա մասին խոսելը ճիշտ չէ, քանի որ այս գործարքը դեռ ընդամենը ցանկություն է:
Գիտեմ՝ շատերին վախեցնում է միայն այն, որ ասում են, թե հայտ ներկայացրած ընկերությունը գրանցված է օֆշորում: Բայց եկեք այս տեսակետից նայենք` ՀԷՑ-ը հայաստանյան կազմակերպություններից է՝ անկախ նրանից, թե գնորդ կազմակերպությունը որտեղ է գրանցված: Ի՞նչ կապ ունի, ով ուզում է լինի` հո ՀԷՑ-ը չեն շալակելու, տանեն Հայաստանից:
ԱԺ պատգամավոր ՎԱՐԴԱՆ ԱՅՎԱԶՅԱՆՆ էլ բավական հակիրճ արտահայտվեց.
- Կապրենք` կտեսնենք էլի:
ԻԼՈՆԱ ԱԶԱՐՅԱՆ

Հավանեցի՞ր հոդվածը, կիսվիր ընկերներիդ հետ