ՀԻՏԼԵՐ ԿԱՊՈՒՏ. ՑԵՂԱՍՊԱՆՈՒԹՅՈՒՆԸ ՉՃԱՆԱՉԱԾ ԳԵՐՄԱՆԻԱՆ ՑԵՂԱՍՊԱՆ ԹՈՒՐՔԻԱՅԻՑ ՊԱՀԱՆՋՈՒՄ Է… ՏԵՍԱՆՅՈՒԹ

ՀԻՏԼԵՐ ԿԱՊՈՒՏ. ՑԵՂԱՍՊԱՆՈՒԹՅՈՒՆԸ ՉՃԱՆԱՉԱԾ

ԳԵՐՄԱՆԻԱՆ  ՑԵՂԱՍՊԱՆ ԹՈՒՐՔԻԱՅԻՑ ՊԱՀԱՆՋՈՒՄ

Է…

«Մեդիա» կենտրոնն այսօր կազմակերպել էր ասուլիս հայ-թուրքական հաշտեցման թեմայի վերաբերյալ: Սկզբից եւեթ պարզ դարձավ, որ հերթական գրանտածիծ ծրագիրն է ներկայացվում` քաղաքացիական հասարակության միջեւ շփումներ, երկխոսություն երկու ժողովուրդների միջեւ ու տարատեսակ լոլոներ:

ՀՀ-ում Գերմանիայի  դեսպան Մաթիաս Քիսլերը խոսում էր հայ-թուրքական հաշտեցման մասին, այն դեպքում, երբ Գերմանիայի  խորհրդարանը չի ճանաչել Հայոց ցեղասպանությունը:

«Իրավունքի» հարցին, թե անհասկանալի է` ինչպես է Գերմանիայի դեսպանը խոսում հայ-թուրքական հաշեցտման մասին, երբ Գերմանիան մինչ այժմ չի ճանաչել Հայոց ցեղասպանությունը: Դեսպանն ասաց, որ Հայոց ցեղասպանության ճանաչման բանաձեւը  քննարկվում է:

Մեր մյուս հարցին, թե արդյոք Գերմանիայի կողմից Հայոց ցեղասպանության ճանաչումը չի նպաստի հայ-թուրքական մերձեցմանն եւ հաշտության արդյունքներն ավելի տեսանելի կլինեն, պրն Քիսլերի խոսքով` հայ-թուրքական մերձեցումը չպետք է կապել օտար երկրների ճանաչման կամ որոշման հետ:

Թուրք ներկայացուցիչ Աշյե Օքթամն էլ ասաց, որ ինքը չի կարող խոսել թուրք կառավարության անունից, բայց  եթե քաղաքացիական հասարակությունը հզոր է, ճանաչում է հայոց ցեղասպանությունը, ապա ցանկացած կառավարություն ստիպված  պետք է լինի ճանաչել Հայոց ցեղասպանությունը: Վերջերս մենք կազմակերպել էինք միջոցառում, որի ժամանակ խոսել ենք ցեղասպանության ճանաչման եւ փոխհատուցման մասին: Մեծ հույս ունեմ, որ Գերմանիան կճանաչի ցեղասպանությունը: «Իսկ Թուրքիայի կողմից Հայոց ցեղասպանության ճանաչումը կլինի ոչ թե արտաքին ուժերի ազդեցությամբ, այլ ներքին ճնշմամբ»,- եզրափակեց թուրք ներկայացուցիչը:

Ի դեպ, ասուլիսի ժամանակ Գերմանիայի դեսպանը «տեղյակ» չէր, որ հայ-թուրքական հաշտեցումը Թուրքիայի տեսանկյունից նշանակում է արցախյան խնդրի կարգավորում` հօգուտ Ադրբեջանի: Իսկ միգուցե նորանշանակ դեսպանն իրո՞ք տեղյակ չէ:Մարդն ալարել է մինչ Հայաստան գալը խնդրին  գոնե մակերեսորեն ծանոթանալ: Ու այսքանից հետո ի՞նչ տրամաբանությամբ է Գերմանիայի ներկայացուցիչը հայ-թուրքական հաշտեցման մասին խոսում: Էստեղ են ասել, Հիտլեր, կապուտ:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝