ԼԵՎՈՆ ՄԱՐՏԻՐՈՍՅԱՆ. «ՎՍՏԱՀ ԵՄ` ՏԵՍԱՆԵԼԻ ԱՊԱԳԱՅՈՒՄ ԱՆՑՆԵԼՈՒ ԵՆՔ 100% ՄԵԾԱՄԱՍՆԱԿԱՆ ԸՆՏՐԱԿԱՐԳԻ»

ԼԵՎՈՆ ՄԱՐՏԻՐՈՍՅԱՆ. «ՎՍՏԱՀ ԵՄ` ՏԵՍԱՆԵԼԻ ԱՊԱԳԱՅՈՒՄ ԱՆՑՆԵԼՈՒ ԵՆՔ 100% ՄԵԾԱՄԱՍՆԱԿԱՆ ԸՆՏՐԱԿԱՐԳԻ»

ՀՀԿ պատգամավոր Լեւոն Մարտիրոսյանն օրեր առաջ խորհրդարանում հայտարարեց, որ մեռելածին դրույթները պետք է հանվեն նոր սահմանադրությունից: Խոսքը վերաբերում է այն դրույթին, ըստ որի` պատգամավորը չի կարող զբաղվել ձեռնարկատիրական գործունեությամբ:

«Իրավունքը» այս եւ այլ հարցերի առնչությամբ զրուցեց ՀՀԿ պատգամավոր Լեւոն Մարտիրոսյանի հետ:

- Պրն Մարտիրոսյան, Դուք օրեր առաջ ասացիք, որ կողմ եք 100% մեծամասնական ընտրակարգին: Չե ք կարծում, որ  եթե Ձեր առաջարկած դրույթն ընդունվի նոր սահմանադրությունում, ապա համատարած կբաժանվեն ընտրակաշառքներ:

- Ոչ: Աշխարհի ամենաժողովրդավարական երկրները` ԱՄՆ-ը, Մեծ Բրիտանիան, ունեն 100% մեծամասնական ընտրակարգ: Մեծամասնական ու համամասնական ընտրակարգը կապ չունի, ընտըակաշառք բաժանողը բաժանելու է, չբաժանողը չի բաժանելու: Միայն համամասնական ընտրակարգը թողնելը ընդդիմադիրների պահանջն է եղել տարիներ շարունակ: Իշխանությունն ընդառաջ է գնացել եւ կատարում է ընդդիմադիրների պահանջը, բայց հիմա էլ պահանջողները դեմ են իրենց պահանջին: Սա ուղղակի անհեթեթություն է: «Ժառանգություն» խմբակցության  պատգամավոր Ալեքսանդր Արզումանյանը հիշեցրեց, որ «Ժառանգության» նախընտրական ծրագրում կար այդ դրույթը, սակայն հիմա հենց ժառանգականները դեմ է  խորհրդարանական համակարգի անցմանը: Վստահ եմ` տեսանելի ապագայում անցնելու ենք 100% մեծամասնական ընտրակարգի: Մեծամասնական ընտրակարգը թույլ է տալիս ընտրողին հասկանալ` ում է ընտրում, ումից է պահանջում:

- Իսկ ո ւմ կողմից կդրվի այդ պահանջը, իշխանության, թե՞ ընդդիմության:

- Հանրության  ժկողմից կլինի, քանի որ  մարդիկ չեն հասկանում` ում են ընտրում համամասնական ընտրակարգի դեպքում:

- Դուք ասացիք, որ  յուրաքանչյուր քաղաքական ուժ ձգտում է լինել իշխանություն, իսկ իշխանություն լինելու դեպքում երկարացնել իր իշխանություն լինելը: Այս բնականոն գործընթացին ինչո՞ւ է դեմ ընդդիմությունը:

- Ընդդիմությունը հասկանում է, որ ինքը շանս չունի: Իսկ դա վատ է: Ընդդիմությունը շանս պետք է ունենա, ուժեղ կառուցվածք, ընտրազանգված ու  տեսականորեն  հնարավորություն  ունենա իշխանության գալ:

- Մեռելածին դրույթները նոր Սահմանադրությունից դուրս հանելու մասին խոսեցիք: Մասնավորապես,  պատգամավորին չսահմանափակել, որ նա զբաղվի նաեւ բիզնես գործունեությամբ:Մինչդեռ  բիզնես  ոլորտի հետ կապ ունեցող պատգամավորներից մեկը «Իրավունքի» հետ զրույցում  խոստովանեց, որ հնարավոր չէ միաժամանակ ե՛ւ օրենսդիր, ե՛ւ ձեռնարկատիրական գործունեությամբ զբաղվել, քանի որ  երկուսից մեկը տուժում է:

- Ես ցանկանում եմ, որ մեռելածին դրույթները հանվեն  նոր սահմանադրությունից, չընդունենք կեղծավոր կեցվածք: Բոլոր պատգամավորներն այլ գործունեությամբ զբաղվում են` բացառությամբ մեկ-երկու հոգու, օրինակ ինձ:

- Կարծիք կա, որ նոր Սահմանադրությունում այդ հարցը  խիստ  է դրված:

- Դա անհեթեթ է, լավ չի: Մի բանը, որը երբեք չի լինում, մենք էլ նախօրոք գիտենք, որ չի լինելու, չգրենք դա սահմանադրությունում: Անիմաստ դրույթ է  դա, որը ինչ-որ մեկը հեղինակել է ու մենք էլ արտագրած դա պահում ենք:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝