Կնշվի Չարենցի տուն-թանգարանի բացման 40-ամյակը
Արխիվ 12-16
ԿՆՇՎԻ ՉԱՐԵՆՑԻ ՏՈՒՆ-ԹԱՆԳԱՐԱՆԻ ԲԱՑՄԱՆ 40-ԱՄՅԱԿԸ
Այս տարին Եղիշե Չարենցի տուն-թանգարանի համար հոբելյանական է` լրանում է թանգարանի 40-ամյակը: Սեպտեմբերի 24-ին հոբելյանական տրամադրությունը կթեւածի բանաստեղծի տուն-թանգարանում, քանի որ չարենցյան շնչով ողողված բնակարանում կկայանա տոնական համերգ` նվիրված թանգարանի բացման 40-ամյակին: Միջոցառմանը երաժշտական կատարումներով հանդես կգան ՀՀ վաստակավոր արտիստ Մագդա Մկրտչյանը, Արտակ Ստեփանյանը եւ դաշնակահար Լեւոն Հարությունյանը. կհնչեն հայ, արեւմտաեվրոպական դասական եւ ժամանակակից կոմպոզիտորների ստեղծագործություններ:
Հայ մեծանուն գրողի թանգարանը հիմնադրվել է 1964 թվականին, որտեղ 1935-1937թթ. բնակվել է Չարենցը, սակայն, որպես թանգարան բացվել է 1975 թվականի հունվարի 30-ին: 1987 թվականին` Չարենցի ծննդյան 90-ամյա հոբելյանի առթիվ, շենքը ենթարկվել է մասնակի փոփոխության եւ ՀՀ կառավարության որոշմամբ ընդլայնվել թանգարանի տարածքը: Այսօր թանգարանն ընդգրկում է 626,3 քմ տարածք, չորս հարկաբաժին, որոնցից երեքում հիմնական ցուցադրությունն է, իսկ չորորդ հարկում` բանաստեղծի հուշատունը: Տուն-թանգարանը բանաստեղծի կյանքի, ստեղծագործության, ազգային-հասարակական գործունեության ուսումնասիրության գիտական կենտրոն է, որտեղ հավաքված են չարենցյան շուրջ 5300 անձնական իրեր, ցուցանմուշների ընդհանուր թիվը հասնում է 17 հազարի: Հիմնական ֆոնդն ընդգրկում է 7760 թանգարանային նմուշ:
ԼԻԼԻԹ ԵՂԻԱԶԱՐՅԱՆ
Բաժանորդագրվե՛ք https://t.me/iravunk
1
22353 դիտում
2
18968 դիտում
3
11237 դիտում
4
1635 դիտում
5
1623 դիտում
3
17674 դիտում
5
8058 դիտում
5
8286 դիտում
