Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

«ՀԱՅ ՖԵՍՏԸ» ԿՄԵԿՆԱՐԿԻ 100-ՐԴ ՏԱՐԵԼԻՑԻՆ ՆՎԻՐՎԱԾ «ԶԳԱՑՈՂՈՒԹՅՈՒՆՆԵՐԻ ԹԱՆԳԱՐԱՆ» ՆԵՐԿԱՅԱՑՈՒՄՈՎ

Արխիվ 12-16

«ՀԱՅ ՖԵՍՏԸ» ԿՄԵԿՆԱՐԿԻ 100-ՐԴ ՏԱՐԵԼԻՑԻՆ ՆՎԻՐՎԱԾ «ԶԳԱՑՈՂՈՒԹՅՈՒՆՆԵՐԻ ԹԱՆԳԱՐԱՆ» ՆԵՐԿԱՅԱՑՈՒՄՈՎ


«ՀԱՅ ՖԵՍՏ» ամենամյա միջազգային թատերական փառատոնն այս տարի կընթանա հոկտեմբերի 1-8-ը: ՀՀ մշակույթի նախարարության աջակցությամբ, «Զգացողությունների թանգարան» խորագրով 13-րդ «ՀԱՅ ՖԵՍՏ»-ն այս տարի կհյուրընկալի 26 երկրից ժամանած 250 մասնակիցների եւ հյուրերի: Այդ թվում Հայաստան կժամանեն հեղինակավոր արվեստագետներ, արտմենեջերներ, միջազգային փառատոնի նախագահներ Մեծ Բրիտանիայից, ԱՄՆ-ից, Ֆրանսիայից, Իտալիայից, Ավստրիայից, Ֆինլանդիայից, Շվեդիայից, Շվեցարիայից, Կանադայից, Լեհաստանից, Լիբանանից, Իսրայելից, Լիտվայից, Հունգարիայից, Գերմանիայից, Չեխիայից, Նորվեգիայից, Հունաստանից, Էստոնիայից, Սերբիայից, Ղազախստանից, Բանգլադեշից, Ռուսաստանից, Իրանից, Վրաստանից եւ այլ երկրներից:

Փառատոնի շրջանակներում Հայաստան ժամանած հյուրերը կանցկացնեն վարպետության դասընթացներ: Իսկ թատերասեր հասարակությունը հնարավորություն կունենա երեւանյան 12 բեմահարթակներում դիտելու ավելի քան 70 ներկայացում` դրամատիկական, երաժշտական, պարային (ֆոլկ, ֆլամենկո, մոդեռն բալետ), մոնոներկայացումներ, մուլտիմեդիային, իրերի, տիկնիկային, մարիոնետների, մատների, ներկայացում-ցուցահանդես, ֆիզիկական, շարժման,  կրկեսային, մանկական, ինչպես նաեւ բացօթյա ներկայացումներ:

Փառատոնի նշանավոր ներկայացումներից կլինեն Օսկարաս Կորշունովասի թատրոնի «Հատակում» (Լիտվա), Շեքսպիրյան «Գլոբուս» թատրոնի «Համլետ» (Մեծ Բրիտանիա), «Գիբնի դանս» պարային խմբի «Հատող գիծ» (ԱՄՆ) ներկայացումները:

Երեւանյան թատրոններից «ՀԱՅ ՖԵՍՏ»-ի հիմնական ծրագրում հանդես կգան Հ. Ղափլանյանի անվան դրամատիկական, Հ. Թումանյանի անվան տիկնիկային, «Փոքր» եւ «Միհր» թատրոնները եւ այլք:

Ինչպես տեղեկացրեցին փառատոնի կազմակերպիչները, այս տարի եւս «ՀԱՅ ՖԵՍՏ»-ը  հնարավորություն չընձեռի ուսանողներին` «ԱՐՄՍ ՖԵՍՏ» ուսանողական ծրագրում ներկայացնելու իրենց աշխատանքները:

Հայոց ցեղասպանության 100-րդ տարելիցի փաստը եւս չի անտեսվել «ՀԱՅ ՖԵՍՏ»-ում: 100-րդ տարելիցին նվիրված ներկայացումների շրջանակում ոչ միայն կցուցադրվեն մի շարք միջազգային ներկայացումներ, այլեւ փառատոնը կմեկնարկի    Հայոց ցեղասպանության 100-րդ տարելիցին նվիրված միջոցառումները համակարգող պետական հանձնաժողովի աջակցությամբ բեմադրված «Զգացողությունների թանգարան» ներկայացումով:

Ի դեպ, հիմնական ներկայացումների մուտքն անվճար է, ինչը հնարավորություն կտա ավելի մեծ թվով հայ թատերասեր հասարակությանը ծանոթանալ արտերկրի թատերական արվեստի նմուշներին:

«ՀԱՅ ՖԵՍՏ» միջազգային թատերական փառատոնն առաջին անգամ կայացել է 2003-ին: Փառատոնի նախագահն է Արթուր Ղուկասյանը: 2006 թվականից «ՀԱՅ ՖԵՍՏ»-ը գլխավոր թատերական փառատոնն է նախկին ԽՍՀՄ տարածքում (բացառությամբ Մոսկվայի):

 

ԼԻԼԻԹ ԵՂԻԱԶԱՐՅԱՆ

 

Հ.Գ. Արթուր Ղուկասյանի հետ հարցազրույցը կարդացե՛ք տպագիր «իրավունքի» առաջիկա համարում

Հավանեցի՞ր հոդվածը, կիսվիր ընկերներիդ հետ