Սեյրան Օհանյան. «Այսօր Թաթուլն է մեր ուսուցիչը, նա վերեւից մեզ դաստիարակում է»
Արխիվ 12-16
Սեյրան Օհանյան. «ԱՅՍՕՐ ԹԱԹՈՒԼՆ Է ՄԵՐ ՈՒՍՈՒՑԻՉԸ, ՆԱ ՎԵՐԵՎԻՑ ՄԵԶ ԴԱՍՏԻԱՐԱԿՈՒՄ Է»
ԵՊՀ գիտխորհրդի նիստերի դահլիճում կայացավ «Վարդանանք» ռազմահայրենասիրական դաստիարակության ակումբի ամենամյա գիտապրակտիկ կոնֆերանսի բացումը, որն այս տարի նվիրված է ՀՀ ազգային հերոս Թաթուլ Կրպեյանի 50-ամյակին եւ կրում է «Կրթությունը ՀՀ անվտանգության համատեքստում» խորագիրը: Կոնֆերանսի բացման հանդիսավոր արարողությանը ներկա էր ՀՀ պաշտպանության նախարար ՍԵՅՐԱՆ ՕՀԱՆՅԱՆԸ, ով իր խոսքում անդրադառնալով հերոսին` նշեց. «Թաթուլ Կրպեյանն ունեցել է մի ճակատագիր, որ յուրաքանչյուր դասախոս եւ ուսուցիչ ներքուստ
հպարտություն է ապրում այն ամենի համար, ինչ ինքը ներդրել է Թաթուլի մեջ: Նրա ոգին սավառնում է վերեւում, եւ նրա ոգուց եկող հուրը ջերմության, արեւի ճառագայթների արտացոլումն է: Դիմում եմ նրանց, ովքեր երջանկություն են ունեցել Թաթուլին դասավանդելու. իսկապես, այսօր Թաթուլն է մեր ուսուցիչը, նա վերեւից մեզ դաստիարակում է»: Ս. Օհանյանը նաեւ նշեց, որ ԵՊՀ պրոֆեսորադասախոսական կազմի ներկայացուցիչների եւ ուսանողների հետ հանդիպումներին սիրով է գալիս: Նա կարեւորեց Թաթուլ Կրպեյանի 50-ամյակին նվիրված միջոցառումները, որոնք տարեսկզբից լայն արձագանք են գտել ամբողջ Հայաստանում:
Ի դեպ, հանդիպումն ավարտին պաշտպանության նախարարի հրամանով ԵՊՀ մի շարք դասախոսներ, ուսանողական կառույցների ներկայացուցիչներ եւ ուսանողներ պարգեւատրվեցին պատվոգրերով եւ արժեքավոր նվերներով: «Իրավունքի» հետ զրույցում պարգեւատրվող ուսանողներից մեկը` ՀՈՎՀԱՆՆԵՍ ՎԱՐԴԱՆՅԱՆԸ, ով նաեւ «Վարդանանք» պարբերաթերթի խմբագիրն է, անկեղծանալով` ասաց. «Մեծ պատիվ է Պաշտմանության նախարարից խորհրդանշական նվեր ստանալը։ Այս արձագանքը ոչ թե ուղղված է ինձ, այլ «Վարդանանք» ակումբի գործունեությանը, որի նպատակն է վառ պահել
ԵՊՀ զոհված ուսանող-ազատամարտիկների հիշատակը։ Այն միջոցառումներն ու ծրագրերը, որոնք կյանքի են կոչվում ակումբի շնորհիվ նաեւ օգնում են ակումբականների միջանձնային հարաբերություններին»։ Հ. Վարդանյանը եզրափակելով խոսքը` տեղեկացրեց, որ լույս է տեսել «Վարդանանք» պարբերաթերթի նոր համարը, որը նախատեսված է իրացնել ոչ միայն համալսարանում, այլեւ զորամասերում։
Հավելենք, որ արդեն 19 տարի է, ինչ ԵՊՀ «Վարդանանք» ռազմահայրենասիրական դաստիարակության ակումբը նախաձեռնում է կոնֆերանս` նվիրված Անկախության տոնին: Կոնֆերանսի նպատակն է նպաստել ուսանողների գիտահետազոտական մտքի ամրապնդմանը: Ակումբը, համագործակցելով ԵՊՀ ուսանողական գիտական ընկերության հետ, յուրաքանչյուր տարի փորձում է վեր հանել այնպիսի հիմնախնդիրներ, որոնք վերաբերում են ինչպես բանակ-հասարակություն կապի ամրապնդմանը, այնպես էլ հայ զինվորի բարձր հատկանիշների ձեւավորմանը:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
23358 դիտում
2
18968 դիտում
3
11237 դիտում
4
1644 դիտում
5
1623 դիտում
3
17674 դիտում
5
8058 դիտում
5
8286 դիտում
