Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ՅՈՒՐԱ ՄՈՎՍԻՍՅԱՆԻ ՈՉ ԱՅՆՔԱՆ ՀԱՋՈՂ ՄԱՐԶԱՇՐՋԱՆԸ ԴԱՌՆՈՒՄ Է ՎՏԱՆԳԱՎՈՐ

Արխիվ 12-16

ՅՈՒՐԱ ՄՈՎՍԻՍՅԱՆԻ ՈՉ ԱՅՆՔԱՆ ՀԱՋՈՂ ՄԱՐԶԱՇՐՋԱՆԸ ԴԱՌՆՈՒՄ Է ՎՏԱՆԳԱՎՈՐ

 

Ֆուտբոլի Հայաստանի ազգային հավաքականի հարձակվող Յուրա Մովսիսյանի ցուցադրած խաղը ազգային ընտրանու կազմում ոչ միայն չտպավորվեց, այլեւ հիասթափեցրեց: Սերբերի եւ դանիացիների դեմ Մովսիսյանը խաղաց առանց իրեն հատուկ գոլային հոտառության, գնդակներ կորցրեց, չհասավ փոխանցումներին եւ այլն…

Նշված պատկերը իհարկե անհանգստացնող է, երբ խոսքը վերաբերում է թիմի հիմնական հարձակվողին, եւ այն էլ՝ միակ առաջ քաշված հարձակվողին: Սակայն Դանիայի դեմ խաղում Մովսիսյանը վնասվածք էր ստացել, որից հետո թեեւ Մոսկվայի «Սպարտակի» կազմում շարունակեց ելույթները եւ անգամ օգնեց իր թիմին հաջողության հասնել: Բայց ինչպես երեւում է, ոչինչ անհետեւանք չմնաց, եւ Ռուսաստանի առաջնության 8-րդ տուրի՝ «Ռոստովի» դեմ խաղում Մովսիսյանը դարձյալ վնասվածք ստացավ: Ու թեեւ ակումբի կողմից եղավ հայտարարություն, ըստ որի` հայ ֆուտբոլիստի վնասվածքը լուրջ չէ, եւ նա պատրաստ կլինի սեպտեմբերի 19-ին կայանալիք «Կուբանի» դեմ հանդիպմանը, այնուամենայնիվ պարզվեց, որ ամեն բան այդքան էլ հեշտ չէ: Այս պահի դրությամբ, Մովսիսյանի մասնակցությունը խաղին վտանգի տակ է, եւ, ըստ երեւույթին, հայ ֆուտբոլիստը հանդիպմանը չի մասնակցի:
Նկատենք, որ վերջին շրջանում մկանային վնասվածքները հաճախ են Մովսիսյանին դուրս բերում շարքից: Կար ժամանակ, երբ «Սպարտակում» Մովսիսյանի տեղը չէր քննարկվում, մրցակցությունը հարձակման դիրքի համար գերհանգիստ էր, եւ ցանկացած դեպքում` թե՛ մոսկովյան ակումբի ղեկավարությունն ու մարզչական շտաբը եւ թե՛ ֆուտբոլասերները մեծ ոգեւորությամբ էին սպասում Մովսիսյանի խաղադաշտ վերադառնալուն: Սակայն տեւական ժամանակ է՝ իրավիճակը փոխվել է, եւ, պարզ ասած, Մովսիսյանն իր տեղը պահպանելու համար ստիպված է պայքարել ամեն հանդիպման ընթացքում: Ֆուտբոլային տեսանկյունից ներքին մրցակցությունը իհարկե դրական տեղաշարժ է ապահովում, բայց եթե հաշվի առնենք, որ հաճախակի կրկնվող վնասվածքները Մովսիսյանին թույլ չեն տալիս այդպես էլ լիովին վերականգնվել եւ ցուցադրել իր լավագույն որակները, ապա այդ մրցակցության մեջ հայ ֆուտբոլիստը կարող է տուժել: Ուստի փաստը, որ Զե Լուիշը լավ մարզավիճակում է եւ այս պահին միակ պատրաստ հարձակվողն է, կարող է երկարացնել Մովսիսյանի համար ոչ այնքան հաջող շրջանը: Ի վերջո, ամեն խաղում չէ, որ «Սպարտակը» պատրաստ է խաղադաշտ դուրս գալ երկու հարձակվողներով. ավելի հաճախ խնդիր է առաջանում ընտրել լավագույն տարբերակը:
Կարելի է նաեւ նկատել, որ վերջին շրջանում հայ ֆուտբոլիստի անունը դադարել են կապել արտասահմանյան ակումբների հետ, ինչը հուշում է, որ այլեւս առաջարկներ եւ հետաքրքրություն հայ հարձակվողի հանդեպ չկան: Իհարկե, դա նաեւ Մովսիսյանի ընտրությունն էր. ժամանակին Մովսիսյանը նախընտրեց մնալ մոսկովյան ակումբում` անգամ թուրք Մուրատ Յակինի հետ ունեցած տարաձայնություններից հետո: Բայց դա ժամանակին, իսկ ներկայումս տեղափոխման մասին լուրերի բացակայությունն արդեն ակնարկ է նաեւ առաջարկների բացակայության մասին: Եվ եթե չկա դրսի հետաքրքրությունը ֆուտբոլիստի հանդեպ, ապա «Սպարտակում» ցանկացած վրիպում կարող է Մովսիսյանի ամբողջ հետագա կարիերայի համար լուրջ խնդիրներ առաջացնել: Եվ քիչ կապ ունի՝ այդ վրիպակը վնասվածքի տեսքո՞վ է, թե` այլ պատճառով. ամեն մի բաց թողնված խաղը նշանակում է մարզավիճակի կորուստ՝ դրանից բխող բոլոր հետեւանքներով հանդերձ:
ՔՐԻՍՏԻՆԵ ՊԵՏՐՈՍՅԱՆ

Հավանեցի՞ր հոդվածը, կիսվիր ընկերներիդ հետ