Այսօր կայանալիք ֆուտբոլային հանդիպումները Ինչ է պատմում Իսաբեկյանը՝ Նկարիչների միության նախագահի ընտրությունից Էլեկտրաէներգիայի ընդհատումներ կլինեն Երևանում և մարզերում Եղիշե Մելիքյանը նոր պայմանագիր ունի Հայաստանի հավաքականի հետ Նոյեմբերի 22. Օրվա խոսք ԱՄՆ կառավարության պարտքի տոկոսավճարները գերազանցել են պաշտպանության ողջ բյուջեն Հզոր փոթորիկը «ծածկել» է Սոչին (Տեսանյութ) Հաքերները կրկին կոտրել են ՀԴԲ-ի հիմնական տվյալների բազաներից մեկը CNN ԱՄՆ ֆինանսների նախարար. Եվրոպան Ռուսաստանին ավելի շատ է վճարել նավթի համար, քան հատկացրել է Ուկրաինային Ինչպես են նկարիչները նշում նորընտիր նախագահի ընտրության արդյունքները

ԹԵՎԱՆ ՊՈՂՈՍՅԱՆ. «ԱՅՍ ՊԱՀԻՆ ՖՈՐՄԱԼ ԱՌՈՒՄՈՎ ԵՄ ԽՄԲԱԿՑՈՒԹՅԱՆ ՔԱՐՏՈՒՂԱՐ»

Արխիվ 12-16

ԹԵՎԱՆ ՊՈՂՈՍՅԱՆ. «ԱՅՍ ՊԱՀԻՆ ՖՈՐՄԱԼ ԱՌՈՒՄՈՎ ԵՄ

ԽՄԲԱԿՑՈՒԹՅԱՆ ՔԱՐՏՈՒՂԱՐ»

 

«Ժառանգությունը» միացել է  սահմանադրական բարեփոխումների դեմ «Ոչ»-ի ճակատին, մինչդեռ «Ժառանգություն» խմբակցության արդեն նախկին ղեկավար Ռուբեն Հակոբյանն ու «Ժառանգություն» խմբակցության քարտուղար Թեւան Պողոսյանը դեմ չեն նոր Սահմանադրությանը, ավելին`անգամ  հանդիպել են  սահմանադրական բարեփոխումների մասնագիտական հանձնաժողովի հետ:

«Իրավունքն» այս առնչությամբ զրուցեց «Ժառանգություն» խմբակցության քարտուղար Թեւան Պողոսյանի հետ:

- Պրն Պողոսյան, ինչպե՞ս եք  պատկերացնում Ձեր հետագա քայլերը, եթե «Ժառանգությունը» միացել է «Ոչ»-ի ճակատին: Անդունդը Ձեր եւ «Ժառանգության» միջեւ ակնհայտ է դառնում:

- Այդ անդունդը Դուք եք ընդգծում: Ես անդունդ չեմ տեսնում: ԱԺ պատգամավորն ունի պարտավորություններ հնարավոր բոլոր մեխանիզմներով: Այս մասին ես խոսել եմ   կուսակցության նիստում: Ասել եմ`արդյոք մենք չենք կատարելու մեր պարտականությունները: Ասել են`ո՛չ, կատարեք Ձեր պարտականությունները, հետեւաբար ես ինքս իմ հանդեպ ազնիվ եմ:

- Որպես «Ժառանգություն» խմբակցության քարտուղար` կուսակցության ղեկավար Րաֆֆի Հովհաննիսյանի հետ առանձին  խոսե՞լ եք Ձեր դիրքորոշման մասին:

- Առանձին հանդիպում չի եղել Րաֆֆի Հովհաննիսյանի հետ, բայց քննարկումներ կուսակցության ներսում եղել են: «Ժառանգություն» կուսակցության ղեկավար Րաֆֆի Հովհաննիսյանն ասել է, որ ցանկացած այլ կարծիք կլինի անհատական:

- Դուք բազմիցս ասել եք, որ պետք է դուրս գալ անձերի շրջանակից: Կարո՞ղ ենք ասել, որ «Ոչ»-ի ճակատը   հենց անձնական ամբիցիաների հիման վրա՞ է ստեղծվել:

- Ես  չեմ գնահատելու ոչ «Այո»-ի, ոչ էլ «Ոչ»-ի ճակատը, եթե կան այդ ճակատները:  Ցանկացած քաղաքացի իրավունք ունի արտահայտել իր տեսակետը: Ինստիտուցիոնալ հնարավորություններ եմ ես գնահատում. Կա այսօր ձեւավորված ինստիտուտ, որ գան այդ մարդիկ իրենց կարծիքը հայտնեն:

- Դուք ասում եք, որ անդունդը Ձեր եւ «Ժառանգության» միջեւ լրագրողներն են  տեսնում, բայց  Զարուհի Փոստանջյանն է լրագրողներին հորդորում ձեր եւ Ռուբեն Հակոբյանի  քայլերը չընդունել «Ժառանգության» պաշտոնական տեսակետը:

- Ամեն մարդ անում է այնպես, ինչպես ուզում է: Խնդիր չկա, երբ հնչեցնում եմ ԱԺ պատգամավոր Թեւան Պողոսյանի անհատական կարծիքը:

- Իսկ ե՞րբ ենք լսելու «Ժառանգություն» խմբակցության Թեւան Պողոսյանի կարծիքը:

- Այս պարագայում հնչում է պատգամավոր Թեւան Պողոսյանի կարծիքը:

- Այսինքն`այս պահին ֆորմալ առումո՞վ եք  խմբակցության քարտուղար:

- Այս պարագայում` այո:

- Նոր սահմանադրությունում, ինչպես հայտարարեց Ռուբեն Հակոբյանը, տեղ է գտել «Ժառանգություն» կուսակցության երկու առաջարկները: Տրամաբանակա՞ն է, երբ կուսակցությունը «ոչ» է ասում նոր սահմանադրությանը:

- Չեմ ցանկանում իմ գործընկերների խոսքերը մեկնաբանել: Ես մամուլից եմ կարդացել Ռուբեն Հակոբյանի հայտարարության մասին: Ես ինքս գրավոր առաջարկներ չեմ ներկայացրել:


ՍՈՆԱ ԴԱՎԹՅԱՆ

Հավանեցի՞ր հոդվածը, կիսվիր ընկերներիդ հետ