ԻՆՉՈՒ ԳՆԱՆԿՈՒՄ ՉՈՒՆԵՆՔ

ԻՆՉՈՒ ԳՆԱՆԿՈՒՄ ՉՈՒՆԵՆՔ

Հատկապես վերջին մի քանի ամիսներին սննդամթերքի համաշխարհային շուկաներում տեղի են ունենում գների զգալի անկումներ: Շատ ավելի ցայտուն է մեկ այլ՝ նավթի եւ նավթամթերքների էժանացումն աշխարհում: Սակայն Հայաստանում անգամ պաշտոնական ¥վերջին տվյալները օգոստոսին էին¤ գնահատականներով է արձանագրվել պարենային ապրանքների 5,2 տոկոսանոց աճ, իսկ նավթամթերքը ¥բենզին եւ դիզվառելիք¤, թեեւ մի քանի տոկոսով էժանացել է, ոչ մի համեմատության մեջ չի կարող մտնել համաշխարհային անկումների հետ: Թե ինչու է մեզ մոտ աշխարհից կտրված այս վիճակը ¥չնայած չմոռանանք, որ թանկացումների դեպքում միանգամից համաշխարհային միտումներն զգում ենք¤, թերեւս արդեն կարիք էլ չկա ասել: Ուստիեւ՝ այս անգամ փորձեցինք այս հարցի շուրջ քաղաքական բնույթի պարզաբանումներ ստանալ տնտեսագետից եւ որոշ գործարար պատգամավորներից:

Տնտեսագետը՝ նախկինում ԱԺ պատգամավոր ՎԱՐԴԱՆ ԲՈՍՏԱՆՋՅԱՆՆ ընդգծեց, որ  համաշխարհային շուկայում տեղի ունեցող գների փոփոխությունը հայաստանյան շուկայի վրա չի ազդում, որովհետեւ չկա մրցակցություն. «Բացի այն, որ երկրում չկա տնտեսական մրցակցություն, բացակայում է նաեւ մրցակցության պետական պաշտպանությունը: Եթե այս ամենը բացակայում է, ապա իրացման ու շրջանառության դաշտում հայտնվում են այնպիսի սուբյեկտներ, որոնք, ըստ էության, կարողանում են իրենց անձնական մոտեցումները հանդես բերել: Տվյալ պարագայում՝ աշխարհում տեղի ունեցող փոփոխությունները պատնեշավորվում են, որի պարագայում էլ գլոբալ գնանկումները ոչ մի ազդեցություն չեն ունենում Հայաստանում ապրանքների գների փոփոխությունների վրա: Մեր երկրում նույնիսկ շատ գյուղատնտեսական մթերքներ, որոնք չենք ներկրում, այլ ինքներս ենք արտադրում, չեն էժանանում: Սա այն դեպքում, երբ 2015 թվականը Հայաստանի գյուղատնտեսության համար բավականին նպաստավոր տարի է: Կարելի է ենթադրել, որ հայաստանյան շուկայում գտնվող սուբյեկտները նաեւ այդ ապրանքերի գներն են կարողանում թելադրել»:

ԱԺ գործարար-պատգամավոր ԳԱՐԵԳԻՆ ՆՈՒՇԻԿՅԱՆԻ խոսքով` Հայաստանի շուկայում գնաճ տեղի չի ունեցել, պարզապես դոլարի կուրսն է բարձրացել ¥իսկ այլ արժույթների, մասնավորապես՝ եվրոյի նկատմամբ դոլարի աճ չկա՞- հեղ.¤, որն էլ մարդկանց մոտ թյուրիմացություն է առաջացրել, որ շուկայում գնանկում տեղի չի ունենում. «Գիտենք, որ Հայաստանը դոլարով է գնում նավթամթերքը: Իսկ այն ապրանքատեսակները, որոնք գնում եւ վաճառում են դրամով, նույն արժեքին են մնացել: Եթե դոլարի կուրսը չբարձրանար, բնականաբար մենք բոլորս ականատես կլինեինք, որ ապրանքերի գնի բարձրացում չի եղել ¥իսկ ո՞ւր մնացին աշխարհում գների անկումները- հեղ.¤: Հայաստանի տնտեսական վիճակի վրա մեծ ազդեցություն ունի Ռուսաստանի տնտեսությունը:  Ռուսաստանի դեմ իրականացվող պատժամիջոցների պատճառով տուժում է ՀՀ տնտեսությունը, քանի որ այնտեղից եկող տրանսֆերները նվազել են»:

ԱԺ գործարար-պատգամավորներից ՀԱԿՈԲ ՀԱԿՈԲՅԱՆՆ էլ պնդում է, որ եթե նավթն էժանացել է, դա դեռ չի նշանակում, որ էժանացել է նաեւ բենզինը. «Ոչ մի երկրում բենզինը չի էժանացել, իսկ մեր երկրում այն չի թանկացել: Եվրոպական երկրներում հաճախ եմ ուշադրություն դարձնում բենզինի գներին. այն ո՛չ էժանացել, ո՛չ էլ թանկացել է: Ինչ վերաբերում է ՀՀ տնտեսությանը, ապա պետք է ասեմ, որ ցանկացած զարգացած երկրում տնտեսությունը հետընթաց է ապրում. չնչին տոկոս է կազմում տնտեսական աճը: Այսօր Ռուսաստանի տնտեսական ճգնաժամն ուղիղ ազդեցություն ունի մեր տնտեսության վրա, քանի որ 2 միլիոնից ավելի հայեր աշխատում են Ռուսաստանում, եւ այս ճգնաժամի պարագայում կիսով չափ նվազել են Հայաստան եկող տրանսֆերները: Կարծում եմ՝ պետք է զինվենք համբերությամբ եւ հուսանք, որ շուտով Ռուսաստանը դուրս կգա այս վիճակից, աշխարհը կվերականգնվի եւ մենք էլ ոտքի կկանգնենք»:

ԶՎԱՐԹ ԽԱՉԱՏՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝