Շուշան Պետրոսյանը զգուշացնում է այս օրերին Արեւմտյան Հայաստան մեկնելու վտանգավորության մասին(video)
Արխիվ 12-16
ՇՈՒՇԱՆ ՊԵՏՐՈՍՅԱՆԸ ԶԳՈՒՇԱՑՆՈՒՄ Է ԱՅՍ ՕՐԵՐԻՆ ԱՐԵՎՄՏՅԱՆ ՀԱՅԱՍՏԱՆ ՄԵԿՆԵԼՈՒ ՎՏԱՆԳԱՎՈՐՈՒԹՅԱՆ ՄԱՍԻՆ (Տեսանյութ)
Այսօր խորհրդարանում կառավարության հետ հարց ու պատասխանի ժամանակ ԱԺ ՀՀԿ խմբակցության պատգամավոր, ՀՀ վաստակավոր արտիստ ՇՈՒՇԱՆ ՊԵՏՐՈՍՅԱՆԸ դիմելով գործադիրին` նշեց. «Հարցս վերաբերում է Թուրքիայի տարածքում հայկական պատմամշակութային հուշարձաններին այցելության կոչ անող տուրիստական գործակալությունների գործունեությանը` որքանո՞վ է անվտանգ, հատկապես մեր քաղաքացիների համար, այդ ճանապարհորդությունը, եթե նկատի ունենանք թուրք-քրդական հակամարտության զարգացումները, որն օրեցօր ավելի է մեծանում»: Ի պատասխան ՀՀ արտաքին գործերի նախարար ԷԴՎԱՐԴ ՆԱԼԲԱՆԴՅԱՆԸ ասաց. «Կարծում եմ` ճիշտ հարցադրում է, Դուք գիտեք, որ արտաքին գործերի նախարարությունը կապված տարբեր իրադարձությունների հետ զգուշացնում է թե՛ տուրիստական ընկերություններին, թե՛ նաեւ մեր կայքի վրա դրվում են նախազգուշացնող նյութեր ոչ միայն Թուրքիայի, այլեւ համապատասխան վայրերի մասին: Կոնկրետ Ձեր բարձրացրած հարցը մենք նորից խորությամբ կուսումնասիրենք եւ կտեսնենք, թե ինչ ուղություններով է կատարվում այդ ուղեւորությունները, որ համախատասխան ձեւով արձագանքնենք, եթե հարկ կլինի: Վստահ չեմ, որ հարկ կլինի, բայց եթե լինի, կանենք»: Մինչդեռ Շ. Պետրոսյանն արդեն իսկ հարցը խորությամբ ուսումնասիրել էր եւ արձագանքեց փաստերով. «Երկու անգամ նման այցելություն ունեցել եմ Արեւմտյան Հայաստան…Մի քանի օր առաջ կոչ արվեց Դիարբեքիրում պարեկային ժամի, այս գիշեր շատ անհանգիստ էր Նարդինում, Վանում…Անպայման այդ ուղեւորությունների ճանապարհն անցնում է հենց այդ քաղաքներով, ուստի` շատ կարեւոր է այս հարցին անդրադառնալը»:
Հավելենք նաեւ, որ Թուրքիայում վերջին օրերին տեղի ունեցած պայթյունների հետեւանքով վնասներ է կրել Դիարբեքիրի Սուրբ Կիրակոս եկեղեցին: Թուրքական որոշ լրատվամիջոցներ լուսանկարներ են տարածել, որտեղ երեւում են եկեղեցու կոտրված ապակիններն ու փամփուշտի հետքերը: Ավելին`Դիարբեքիրի Սուր քաղաքում նույնպես ընդհարումներ են գրանցվել: Պայթյունների հետեւանքով բնակիչներին մոտավորապես մեկ օր արգելել են փողոց դուրս գալ եւ պատմամշակութային խոշտանգման է ենթարկվել նաեւ տեղի հայ կաթոլիկ եկեղեցին:
ՀՐԱՆՏ ՍԱՐԱՖՅԱՆ
Բաժանորդագրվե՛ք https://t.me/iravunk
1
28096 դիտում
2
19030 դիտում
3
11278 դիտում
4
1666 դիտում
5
1656 դիտում
3
17674 դիտում
5
8058 դիտում
5
8286 դիտում
