ՊԱՏԳԱՄԱՎՈՐ. «ԱՅԼԸՆՏՐԱՆՔԱՅԻՆ ԶԻՆԾԱՌԱՅՈՒԹՅԱՆ ԴՐՈՒՅԹԸ ՊԵՏՔ Է ՀԱՆՎԻ ՆՈՐ ՍԱՀՄԱՆԱԴՐՈՒԹՅՈՒՆԻՑ»
Արխիվ 12-16
ՊԱՏԳԱՄԱՎՈՐ. «ԱՅԼԸՆՏՐԱՆՔԱՅԻՆ ԶԻՆԾԱՌԱՅՈՒԹՅԱՆ ԴՐՈՒՅԹԸ ՊԵՏՔ Է ՀԱՆՎԻ ՆՈՐ ՍԱՀՄԱՆԱԴՐՈՒԹՅՈՒՆԻՑ»
Երեկ խորհրդարանում ՀՀԿ պատգամավոր Վահրամ Մկրտչյանը սահմանադրական բարեփոխումների մասնագիտական հանձնաժողովի անդամ, Սերժ Սարգսյանի ներկայացուցիչ Վարդան Պողոսյանին հարց ուղղեց այլընտրանքային զինծառայության դրույթի մասին: Վարդան Պողոսյանը հիմնավորեց, թե ինչու պետք է այդ դրույթը ներառված լինի սահմանադրության նոր տեքստում: «Իրավունքը» ՀՀԿ պատգամավոր Վահրամ Մկրտչյանից պարզեց` կոնկրետ ինչ է առաջարկում պատգամավորը այլընտրանքային զինծառայության մասին` բացի իր մտահոգությունը հնչեցնելուց: «Ես առաջարկում եմ այդ դրույթը հանել սահմանադրությունից, քանի որ այսօր այն օրենսդրորեն կարգավորվում է: Չարժե ամրագրել այդ դրույթը նոր սահմանադրությունում, քանի որ վաղը կարող է իրավիճակ փոխվել, եւ մենք դրան այլ աչքերով կարող ենք նայել: Չի բացառվում, օրինակ, որ մարդու իրավունքների ոլորտում փոփոխություններ լինեն, եւ հանվի այլընտրանքային զինծառայության իրավունքը: Ինչո՞ւ մենք հետո փոխենք մեր սահմանադրությունը, եթե կարող ենք ուղղակի չամրագրել դա»,- ասաց պատգամավորը:
Մեր մյուս դիտարկմանը, թե հնարավոր է այդ դրույթը դրսից պարտադրված լինի Հայաստանին, քանի որ սահմանադրական բարեփոխումների հանձնաժողովի անդամները պետբյուջեից չեն վարձատրվում, այլ հովանավորվում են դոնոր կազմակերպությունների կողմից, Վարդան Մկրտչյանը դժվարացավ պատասխանել: «Քանի որ ես քաջատեղյակ չեմ, թե ինչքան գումար են տվել դոնոր կազմակերպությունները, չեմ կարող ասել: Վարդան Պողոսյանին արդեն քսան տարուց ավելի է, որ ճանաչում եմ: Չեմ կասկածում նրա ազնիվ ու անաչառ լինելու համար այս հարցում»,- եզրափակեց օրենսդիր մարմնի անդամը:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
27106 դիտում
2
18987 դիտում
3
11242 դիտում
4
1666 դիտում
5
1638 դիտում
3
17674 դիտում
5
8058 դիտում
5
8286 դիտում
