ԳՅՈՒՄՐԻՈՒՄ Ե՛Վ ՍՊԱՍՈՒՄ ԵՆ,Ե՛Վ ՉԵՆ ՍՊԱՍՈՒՄ ՎԱՐԴԱՆ ՂՈՒԿԱՍՅԱՆԻՆ
Արխիվ 12-16
ԳՅՈՒՄՐԻՈՒՄ Ե՛Վ ՍՊԱՍՈՒՄ ԵՆ,Ե՛Վ ՉԵՆ ՍՊԱՍՈՒՄ ՎԱՐԴԱՆ ՂՈՒԿԱՍՅԱՆԻՆ
Օրերս գտնվում էինք Գյումրի քաղաքում, որտեղ զրուցելով գյումրեցիների հետ` ծանոթացանք նրանց ապրելակերպին ու օրվա անցուդարձին: Զրույցների ընթացքում լսեցինք տարբեր կարծիքներ` ներկա ու նախկին քաղաքապետների մասին: Չնայած իր սկանդալային պատմություններին, նախկին քաղաքապետ Վարդան Ղուկասյանի վերադարձին կան սպասողներ, որոնք ի դեպ քիչ չեն. «Բալասանյանը գործ անող մարդ չի, բայց ավելի հանգիստ է, քան նախկինը` Ղուկասյանը, ով, ի հակառակ Բալասանյանի, գործ անող մարդ է: Գյումրին նրա օրոք ավելի շատ վերականգնվեց, դոմիկները գնալով պակասեցին»: Զրուցակիցներից մեկն էլ տեղեկացրեց, որ իր տվյալներով` այս պահին քաղաքում կա 400 ընտանիք, որոնք դեռ գտնվում են տնակներում, սպասում են բնակարանի. «Բայց ոնց տեսնում ենք, հիմա շենքեր չեն կառուցվում ու դրա փոխարեն միայն հյուրանոցներ ու կաֆեներ են ավելանում»:
Բացի գովեստի խոսքերից, նախկին քաղաքապետը անմասն չմնաց նաեւ քննադատություններից: Զրույցների ընթացքում գյումրեցիները հիշեցին մի պատմություն, որը կապված էր նախկին քաղաքապետի եւ Շիրակի թեմի առաջնորդ Միքայել եպիսկոպոս Աջապահյանի միջեւ եղած լարված հարաբերությունների հետ. «Չգիտենք` ինչ ունեին իրար հետ կիսելու, որ չէր ստացվում, բայց դրա պատճառով կային մարդիկ որ տուժում էին: Եթե նրանցից ինչ-որ մեկը միջոցառում էր կազմակերպում, ապա շատերը հայտնվում էին փաստի առաջ: Մի անգամ Աջապահյանը միջոցառում էր կազմակերպել, թանգարաններից մեկի տնօրենը գնացել էր այդ միջոցառմանը, դրա համար խեղճ մարդուն հաջորդ օրը ազատեցին աշխատանքից: Ղուկասյանը ասել էր, որ իմ թշնամու մոտ գնացողը, էլի իմ թշնամին է»:
ԱՐՄԵՆՈՒՀԻ ՀԱԿՈԲՅԱՆ
Բաժանորդագրվե՛ք https://t.me/iravunk
1
30690 դիտում
2
19124 դիտում
3
1680 դիտում
4
1600 դիտում
5
1519 դիտում
3
17674 դիտում
4
11336 դիտում
5
8058 դիտում
5
8286 դիտում
