ԶԱՐՈՒՀԻ ՓՈՍՏԱՆՋՅԱՆԸ ՌՈՒԲԵՆ ՀԱԿՈԲՅԱՆԻՆ «ՈՒԽՏԱԴՐՈ՞ՒԺ» Է ՀԱՄԱՐՈՒՄ

ԶԱՐՈՒՀԻ ՓՈՍՏԱՆՋՅԱՆԸ ՌՈՒԲԵՆ ՀԱԿՈԲՅԱՆԻՆ «ՈՒԽՏԱԴՐՈ՞ՒԺ» Է ՀԱՄԱՐՈՒՄ

«Ժառանգություն» խմբակցության պատգամավոր Զարուհի Փոստանջյանը խորհրդարանում հայտարարեց, որ «Ժառանգություն» խմբակցության ղեկավար Ռուբեն Հակոբյանի ու խմբակցության քարտուղար Թեւան Պողոսյանի հանդիպումը` սահմանադրական բարեփոխումների մասնագիտական հանձնաժողովի անդամների հետ, «Ժառանգություն» կուսակցության հետ որեւէ առնչություն չունի:

«Ժառանգությունը» դեմ է նոր սահմանադրությանը, իսկ Ռուբեն Հակոբյանի եւ Թեւան Պողոսյանի հանդիպումը մասնավոր բնույթ ունի: «Իրավունքը» տիկին Փոստանջյանից պարզեց` ըստ կանոնակարգի` «ժառանգության» տեսակետը հայտնում է խմբակցության ղեկավա՞րը, ինչպե՞ս է, որ այս անգամ տիկին Փոստանջյանն է դա անում: «Ես էի հանձնաժողովում, դրա համար ես ասացի: Սա «Ժառանգության» պաշտոնական տեսակետն է: ԱԺ-ում էլ պետք է նույն հայտարարությունը անեմ»,- պատասխանեց պատգամավորը:
– Տիկին Փոստանջյան, խորհրդարանի արտահերթ նիստերից մեկի` ռուսական վարկային պայմանագրի վավերացման ժամանակ Ռուբեն Հակոբյանն այլ տեսակետ հայտնեց` կողմ, իսկ դուք` դեմ, մտավախություն չունե՞ք, որ հիմա էլ նույն իրավիճակը կրկնվի:
– Չեմ կարծում, որ նա իրավասու է խոսելու «Ժառանգության» անունից: Մենք ունենք փաստաթուղթ` «Ուխտ Հայաստանի», նա կարող է դրժում է այդ փաստաթուղթը: Լինում է երբեմն, որ մարդիկ փոխում են իրենց կարծիքը կամ ճամբարը: Եթե փոխի ճամբարը, խնդրեմ:
ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝