ԳՅՈՒՄՐԵՑԻՆԵՐԸ` ՔԱՂԱՔԱՊԵՏԻՆ. «ԼԱՎ ԿԼԻՆԻ, ՔԻՉ ՄՏԱԾԻ ԻՐ ԳՈՐԾԱՐԱՆԻ ՄԱՍԻՆ, ԱՎԵԼԻ ՇԱՏ ԳՈՐԾ ԱՆԻ...»
Արխիվ 12-16
ԳՅՈՒՄՐԵՑԻՆԵՐԸ` ՔԱՂԱՔԱՊԵՏԻՆ. «ԼԱՎ ԿԼԻՆԻ, ՔԻՉ ՄՏԱԾԻ
ԻՐ ԳՈՐԾԱՐԱՆԻ ՄԱՍԻՆ, ԱՎԵԼԻ ՇԱՏ ԳՈՐԾ ԱՆԻ...»
Օրերս գտնվելով Շիրակի մարզի Գյումրի քաղաքում շրջայց կատարեցինք քաղաքի տարբեր մասերում հարց ու փորձ անելու գյումրեցիների ապրելակերպի եւ Գյումրու վիճակի մասին: Առաջին հայացքից, որպես ոչ գյումրեցի, նկատեցինք, որ քաղաքը համեմատ նախորդ տարիների փոքր ինչ պայծառացել էր, տարբեր տեղերում նկատեցինք շինարարական աշխատանքներ, իսկ մարդիկ էլ առաջվա նման կոտրված չէին: Ավելին, զրուցելով նրանց հետ որեւէ մեկի խոսքի մեջ չհանդիպեցինք աղետի գոտի բառակապակցությունը: Սա այն, ինչ նկատեցինք առաջին հայացքից: Սակայն, ինչպես ամենուր, Գյումրին ու գյումրեցիները եւս ունեն իրենց բազում խնդիրները, հոգսերը, քաղաքում տիրող անարդարությունները եւ այլն: Նկատենք, որ շինարարական աշխատանքներն ու ասֆալտախատում հիմնականում կատարվում են քաղաքի կենտրոնական մասերում, ջրագծերն էին փոխվում, որի արդյունքում որոշ թաղամասեր կունենան ջուր, իսկ որոշ թաղամասեր էլ 24 ժամյա ռեժիմի կանցնեն: Սակայն շրջելով քաղաքում որեւէ տեղ չնկատեցինք աղբամաններ, որտեղ կարող էինք աղբ նետել, սակայն դրա փոխարեն բավականին լավ վիճակում էին գտնվում գյումրվա հին ցայտաղբյուրները եւ դրանից հոսող համեղ ու սառը ջուրը: Շրջելով տարբեր թաղամասերում նկատեցինք նաեւ մի ընդհանուր բան, որի մասին մեզ ասացին նաեւ բնակիչները. <Ասում են քաղաքը ասֆալտապատում են, բայց աղջիկ ջան, դա անում են մենակ կենտրոնական մասերում, կենտրոնից դուրս, այսինքն երկրորդական փողոցները գտնվում են ուշադրությունից դուրս: Մեր մոտ սովետի ասֆլատն ա մինչեւ հիմա: Բալասանյանը կանգնում ա հրապարակի մեջտեղը ու մեզ հարցնում, ոնց կարաք ասեք, որ ասֆալտապատում չկա, հլա մի նայեք ինչ լավ ասֆալտա եստեղ: Դե բնական ա, եթե նա կարողանա հրապարակից այն կողմ բան տեսնի, հաստատ կնկատի, որ թռիչք-բարձրությունով ենք գնում-գալիս: Լավ կլինի, մի քիչ քի’չ պիվա խմի, քիչ մտածի իրա գործարանի մասին, բայց ավելի շատ գործ անի քաղաքի համար>:
Այնուամենայնիվ արդյոք չկա որեւէ դրական փոփոխություն հարցին գյումրեցիները պատասխանում էին, որ շատ թե քիչ ավելացել է փողոցների լուսավորությունը, աղբահանությունը, եթե նախկինում կատարվում էր ամիսը մեկ անգամ, ապա հիմա ավելի շուտ-շուտ են դա իրականացնում. <Չենք կարող ասել, որ ոչինչ չի կատարվում, բայց ես քաղաքի համար Ղուկասյանը ավելի շատ բան է արել: Բալասանյանը ուղակի եկավ պատրաստիի վրա: էլ չենք ասում, որ քաղաքապետարանում ծայրից-ծայր, բոլորը իրա բարեկամներն են, իրավունք չունենք մի բան ավել ասելու: Ճիշտ ա հիմա մեր քաղաքը ավելի հանգիստ վիճակում, քան Ղուկասյանի օրոք, բայց Ղուկասյանը, երբ մի բան էր խոստանում, մենք գիտեինք, որ դա իրականանալու է ու այդպես էլ կար: Եթե հարց էինք ունենում Ղուկասյանը մեզ համար ավելի հասանելի ու ժողովրդի կողքին կանգնող մարդ էր իրա թերություններով հանդերձ: Լավ կլինի հյուրանոցներ ու կաֆեներ բացելու փոխարեն գործարաններ բացեն, գնանք աշխատենք, որ չարտագաղթենք>,- մեզ հետ զրույցում ասում էին գյումրացիները:
ԱՐՄԵՆՈՒՀԻ ՀԱԿՈԲՅԱՆ
Բաժանորդագրվե՛ք https://t.me/iravunk
1
23989 դիտում
2
18977 դիտում
3
11242 դիտում
4
1644 դիտում
5
1628 դիտում
3
17674 դիտում
5
8058 դիտում
5
8286 դիտում
