ՔԱՀԱՆԱ. «ՎԱՐԴԵՆԻՍՑԻՆԵՐԸ ԵԿԵՂԵՑԻ ՉԵՆ ԱՅՑԵԼՈՒՄ ԳԻՏԵԼԻՔՆԵՐԻ ՊԱԿԱՍԻ ՊԱՏՃԱՌՈՎ»

ՔԱՀԱՆԱ. «ՎԱՐԴԵՆԻՍՑԻՆԵՐԸ ԵԿԵՂԵՑԻ ՉԵՆ ԱՅՑԵԼՈՒՄ ԳԻՏԵԼԻՔՆԵՐԻ ՊԱԿԱՍԻ ՊԱՏՃԱՌՈՎ»

ՀՀ գեղարքունիքի մարզի Վարդենիս քաղաքում է գտնվում 1912 թվականին կառուցված Սուրբ Աստվածածին եկեղեցին, որը  Խորհրդային Միության տարիներին  ծառայել է որպես ցորենի պահեստ, միայն  ԽՍՀՄ փլուզումից հետո սկսել կրկին գործել:  Սուրբ Աստվածածինը համարվում է Վարդենիսի տեսարժան վայրերից մեկը, որի բակում գտնվող  15-18 –րդ դարերի գեղազարդ խաչքարերն ու  տապանաքարերը մեծ հետաքրքրություն են առաջացնում զբոսաշրջիկների համար:

Այսօր եկեղեցին ունի բազմաթիվ խնդիրներ, եկեղեցու տանիքն անբարեկարգ վիճակում է հետ, անձրեւների ժամանակ ջուրն ամբողջությամբ լցվում է եկեղեցի: Վարդենիսի եւ տարածաշրջանի հեգեւոր հովիվ տեր ՏԱՐՈՆ քահանա ՀՈՒՆԱՆՅԱՆԻ խոսքով` սուրբ Աստվածածինը վերջին անգամ վերանորոգվել է 1986 թվականին.«Եկեղեցու տանիքի վերանորոգման համար ընդհանուր առմամբ անհրաժեշտ է 30 հազար դոլար: Այս պահին եկեղեցու զանգակատուն նույնպես կիսակառույց է, որը նույնպես պետք է կառուցվի:  Բակում չունենք  երիցատուն,  բացի այդ, պետք է փոխենք  եկեղեցու պատուհանները եւ ցանկապատենք»,-«Իրավունքի» հետ զրույցում նշեց տեր Տարոն քահանան: Ըստ քահանայի, որոշ մարդիկ  կաջակցեն եկեղեցու վերանորոգման ծախսերը հոգալու համար, սակայն վերանորոգումն ավարտին հասցնելու համար, այս պահին ավելի շատ մարդկանց աջակցության կարիք կա:

Տեր հոր  փոխանցմամբ` Վարդենիսի բնակիչները ջերմեռանդ հավատացյալներ են, ապրում են  մեծ հավատքով, սակայն շատ հեռու են եկեղեցական կյանքից ու Աստվածաշնչից.«Քրիստոնեական հավատքի եւ Հայ Առաքելական եկեղեցու մասին մարդկանց հետ մասնավոր շատ զրույցներ եմ ունենում եւ վերջին շրջանում այդ զրույցները կարծես թե տալիս են իրենց դրական արդյունքը: Նրանք սկսել են ավելի շատ եկեղեցի այցելել, կիրակնօրյա պատարագներին ավելի մեծ թվով  մարդիկ են մասնակցում: Վարդենիսցիները եկեղեցի չեն այցելում գիտելիքների պակասի պատճառով, եթե նրանց տաս այդ գիտելիքները, ապա բոլորն էլ կհասկանան,  որ միակ ճշմարիտ հավատքը,  քրիստոնեական հավատնք է: Նրանք բոլորն իմ զավակներեն են, որոնց համար ես ցավում եմ եւ փորձում ամեն ինչով օգտակար լինել»,-ընդգծեց քահանան:

Տեր Տարոն քահանա  Հունանյանը չթաքցրեց, որ Վարդենիում, ինչպես  Հայաստանի որոշ բնակավայրերում,  կան աղանդավորականներ: Վարդենիս քաղաքում նրանց թիվը շատ չէ, նրանք շատ են հատկապես գյուղերում.«Վարդենիսում  աղանդավորների դեռեւս չեմ հանդիպել, երբեմ մարդիկ ինձ տեղյակ են պահում, որ այս կամ այն վայրում կան աղանդավորականներ: Մենք նրանց հատուկ ուշադրություն չենք դարձնում եւ համարում ենք, որ աղանդավորները մեր մոլորված եղբայրներն են: Երբ մարդու մարմինը տկարանում կամ հիվանդանում է, մարդը փորձում է բուժել այն, այլ ոչ թե կտրել: Մենք էլ փորձում ենք այդ մոլորված մարդկանց դարձի բերել: Մենք բոլորս միասին պետք է կարողանանք մոլորվածներին տանել ճիշտ ուղղով »,-եզրափակեց քահանան:

ԶՎԱՐԹ ԽԱՉԱՏՐՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝