ԻՆՉՊԵ՞Ս ԱԶԱՏՎԵԼ ՏԱԳՆԱՊԻՑ
Արխիվ 12-16
ԻՆՉՊԵ՞Ս ԱԶԱՏՎԵԼ ՏԱԳՆԱՊԻՑ
- Ինձ շարունակ հետապնդում է տագնապային վիճակը: Տարօրինակ մտքեր են պտտվում գլխիս մեջ. նրանք տխուր ավարտ ունեն... Հատկապես այս վիճակը գիշերային ժամերին է նկատվում:
Ինչպե՞ս ազատվել նման վիճակից, հնարավո՞ր է:
Հարցին պատասխանել է կլինիկական հոգեբան ՄԻՀՐԴԱՏ ՄԱԴԱԹՅԱՆԸ.
- Նախ եկեք միասին հասկանանք, որ այդ տարօրինակ մտքերը, որոնց մասին ասում եք` ՁԵՐ ՄՏՔԵՐՆ ԵՆ, եւ կազմում են ձեր մասը, այնպես, ինչպես ձեր ձեռքը կամ ոտքը: Բնականաբար, ես կարծում եմ, որ ձեր ձեռքը, ձեր կամքին հակառակ ոչ մի շարժում չի կատարում եւ ինքներդ եք ղեկավարում, թելադրում նրան: Ձեր ընկերը երբեք չի հասկանա, երբ դուք նրան առանց պատճառի ապտակելուց հետո բացատրություն տաք, թե ձեռքը ձեր կամքից անկախ հարվածեց նրան: Եվ այսպես դուք ղեկավարում եւ հսկում եք ձեր մարմնի բոլոր մասերով, եւ նրանք կատարում են միայն այն բաները, ինչ ցանկանում եք եւ ուր նրանց ուղղորդում եք: Նմանատիպ մաս է նաեւ միտքը: Եվ պետք է պատասխանատվություն վերցնել նրա համար նույն կերպ, ինչպես մեր ձեռքի կամ ոտքի համար...Իսկ եթե այդ վիճակը միշտ կոնկրետ ժամերի կրկնվում է, ապա փորձեք այդ ժամանակահատվածը լցնել մի ուրիշ բանով. ինչպես ասում է հին ռուսական ասույթը` սուրբ տեղը դատարկ չի մնում: Չլցրեցիք Դուք` կլցվի անպայման ինչ-որ իռացիոնալ բանով:
Վ. ՄՈՒՐԱԴՅԱՆ
Բաժանորդագրվե՛ք https://t.me/iravunk
1
26293 դիտում
2
18987 դիտում
3
11242 դիտում
4
1660 դիտում
5
1633 դիտում
3
17674 դիտում
5
8058 դիտում
5
8286 դիտում
