ԿԳ ՆԱԽԱՐԱՐ. ՉԵՆՔ ԿԱՐՈՂ ԱՍԵԼ, ՈՐ «ՆԱԽԱԴՊՐՈՑԱԿԱՆ ԿՐԹՈՒԹՅԱՆ ԽՆԴԻՐՆԵՐԸ ԼՈՒԾՎԵԼ ԵՆ»
Արխիվ 12-16
ԿԳ ՆԱԽԱՐԱՐ. ՉԵՆՔ ԿԱՐՈՂ ԱՍԵԼ, ՈՐ
«ՆԱԽԱԴՊՐՈՑԱԿԱՆ ԿՐԹՈՒԹՅԱՆ ԽՆԴԻՐՆԵՐԸ
ԼՈՒԾՎԵԼ ԵՆ»
ՀՀ կրթության և գիտության նախարար Արմեն Աշոտյանն օրերս Ծաղկաձորում հրավիրված սեմինարի ընթացքում, խոսելով «Կրթության որակ և համապատասխանություն» վարկային երկրորդ ծրագրի արդյունքներից և «Կրթության բարելավում» ծրագրի մեկնարկից նկատեց. «Կրթության որակ և համապատասխանություն» վարկային ծրագրի իրականացումը ֆինանսական տեսանկյունից ուղեկցվել է բացարձակ թափանցիկությամբ»:
Նախարարի խոսքով.«Վարկային ծրագրերն առհասարակ թույլ են տալիս բացել զարգացման հեռանկարներ` կյանքի կոչել այն ամենը, ինչ պետական բյուջեի ընթացիկ հատկացումներով հնարավոր չէ անել»:
Անդրադառնալով նախադպրոցական կրթության մատչելիության ապահովմանը, տեղեկացրեց, որ հատկապես մարզերում դա հնարավորություն է տալիս ազատել ծնողական ձեռքերն աշխատանքի համար, և դրանց հիմնումը դարձել է օրհասական խնդիր: Այս ծրագրի միջոցով 20.000 երեխայի համար 280 նախակրթարան բացվեց: Կարող ենք ասել, որ այս ծրագիրը հաջողված է, սակայն ասել, որ նախադպրոցական կրթության խնդիրները լուծվել են, չենք կարող, բայց եւ այնպես, կարող ենք վստահաբար նշել` խնդիրների մեծ մասը լուծված է:
Նախարարը իր խոսքում անդրադարձավ նաեւ ավագ դպրոցների բարեփոխման խնդիրներին, նշելով, որ սա ամենաբարդ բարեփոխումն է և՛ հոգեբանական, և՛ ֆինանսական առումով՝ այս ընթացքում ավագ դպրոցները համալրվել են, վերապատրաստումներ են անցել հազարավոր ուսուցիչներ: «Առանց վարկային ծրագրի՝ մեզ համար էլ ավելի դժվար կլիներ անել այս ամենը»:
ԻԼՈՆԱ ԱԶԱՐՅԱՆ
Բաժանորդագրվե՛ք https://t.me/iravunk
1
25803 դիտում
2
18977 դիտում
3
11242 դիտում
4
1660 դիտում
5
1633 դիտում
3
17674 դիտում
5
8058 դիտում
5
8286 դիտում
