ԲԱՂՐԱՄՅԱՆ ՊՈՂՈՏԱՆ ԿՐԿԻՆ ՓԱԿ Է
Արխիվ 12-16
ԲԱՂՐԱՄՅԱՆ ՊՈՂՈՏԱՆ ԿՐԿԻՆ ՓԱԿ Է
Արդեն մի քանի ժամ է ինչ <Ոչ թալանի> նախաձեռնության անդամները կրկին փակել են Բաղրամյան պողոտան եւ պայքարում հոսանքի գնի թանկացման դեմ: Նշենք, որ ոստիկանները ավելի շատ են քան ցուցարարները: Այդ նկատելով ակցիայի մասնակիցները իրենց ֆեյսբուքյան էջերով կոչ են անում համաքաղաքացիներին գալ եւ միանալ իրենց: Ոստիկանները այս անգամ եւս ջրցան մեքենաներով են եւ պատ են կազմել, որպեսզի ցուցարարները չկարողանան մոտենալ նախագահական նստավայրին: Քաղաքացիների հոսքի թե' ավելացում, թե' պակասում չի նկատվում, սակայն Բաղրամյան պողոտան լքելու ցանկություն էլ չեն հայտնում: Քաղաքական ուժի որեւէ ներկայացուցիչ եւս չի նկատվում, չի նկատվում նաեւ վերոնշյալ նախաձեռնության ակտիվիստ Վաղինակ Շուշանյանը, չնայած նրան տեսնողներ են եղել: Երեւանի փոխոստիկանապետ Վալերի Օսիպյանը մի քանի անգամ հայտարարեց, որ փակելով պողոտան խոչընդոտում են երթեւեկությունը եւ այլոց տեղաշարժման իրավունքը, սակայն երիտասարդները շարունակում են անհնազանդությունը: Ակտիվիստները մեջբերում արեցին սահմանադրությունից, որ իշխանությունը պարտավոր է ժողովրդին: Ակտիվիստները նաեւ կոչ են անում, որ եթե իրենց մեջ կգտնվեն անհնազանդներ, սադրիչներ եւ կխաթարեն ոստիկանների աշխատանքը, կամ նրանց վրա ինչ որ բան կշպրտեն, դրանց բռնեն եւ շարքերից հեռացնեն:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
30743 դիտում
2
19134 դիտում
3
1689 դիտում
4
1600 դիտում
5
1535 դիտում
3
17688 դիտում
4
11336 դիտում
5
8058 դիտում
5
8286 դիտում
