«ՔԵԶ ՀԵՏ, ՀԱՅԱՍՏԱՆ»`«ԼԱ ՍԿԱԼԱՅԻ» ՖԻԼՀԱՐՄՈՆԻԿ ՆՎԱԳԱԽՈՒՄԲԸ ՀԱՄԵՐԳ Է ՆՎԻՐԵԼ ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ
Արխիվ 12-16
«ՔԵԶ ՀԵՏ, ՀԱՅԱՍՏԱՆ»`«ԼԱ ՍԿԱԼԱՅԻ» ՖԻԼՀԱՐՄՈՆԻԿ ՆՎԱԳԱԽՈՒՄԲԸ ՀԱՄԵՐԳ Է ՆՎԻՐԵԼ ՀԱՅՈՑ ՑԵՂԱՍՊԱՆՈՒԹՅԱՆ 100-ՐԴ ՏԱՐԵԼԻՑԻՆ
«Երևանյան հեռանկարներ» միջազգային երաժշտական փառատոնը՝ Հայոց ցեղասպանության 100-րդ տարելիցի միջոցառումները համակարգող պետական հանձնաժողովի եւ Իտալիայում Հայաստանի դեսպանության աջակցությամբ` «Լա Սկալայի» ֆիլհարմոնիկ նվագախումբը Հռոմում հանդես է եկել «Քեզ հետ, Հայաստան» խորագիրը կրող համերգով `նվիրված Հայոց ցեղասպանության 100-րդ տարելիցին :
Բրիտանացի հայտնի դիրիժոր Դանիել Հարդինգի ղեկավարությամբ համերգը տեղի է ունեցել իտալացի աշխարհահռչակ ճարտարապետ Ռենցո Պիանոյի նախագծով կառուցված Հռոմի Սինոպոլի դահլիճում:
Համերգին ներկա է եղել Իտալիայում ՀՀ դեսպան Սարգիս Ղազարյանը, ով կարեւորել է երաժշտության դերը համամարդկային արժեքների համախմբման գործում եւ ընդգծել. «Չկա ավելի համամարդկային լեզու, քան երաժշտությունն է, որի միջոցով հնարավոր է դիպչել մարդկանց հոգիներին եւ նրանց պատմել մարդկության դեմ ուղղված այնպիսի հանցագործության մասին, ինչպիսին Ցեղասպանությունն է: Մեր օրերում Միջին Արևելքում կրոնական եւ ազգային փոքրամասնությունների նկատմամբ զանգվածային հալածանքների դեպքերը վկայում են, որ Ցեղասպանության թեման այսօր եւս արդիական է»,-ասել է Ս. Ղազարյանը:
Համերգին ներկա են եղել նաեւ ՀՀ մշակույթի նախարար Հասմիկ Պողոսյանը, Իտալիայի մշակութային եւ հասարակական գործիչներ, Իտալիայում հավատարմագրված դեսպաններ, հայ համայնքի ներկայացուցիչներ:
«Լա Սկալայի» ֆիլհարմոնիկ նվագախումբը համերգային ծրագրում հնչեցրել է բացառապես Արամ Խաչատրյանի, Բեթհովենի եւ Դվորժակի ստեղծագործությունները:
Նշենք, որ Հայոց ցեղասպանությանը նվիրված համերգին անդրադարձել է իտալական առաջատար մամուլը:
ԶՎԱՐԹ ԽԱՉԱՏՐՅԱՆ
Բաժանորդագրվե՛ք https://t.me/iravunk
1
30743 դիտում
2
19134 դիտում
3
1689 դիտում
4
1600 դիտում
5
1535 դիտում
3
17688 դիտում
4
11336 դիտում
5
8058 դիտում
5
8286 դիտում
