«ՌՈՒՍԱԿԱՆ ԵՐԿԱԹՈՒՂԻՆԵՐ» ԲԲԸ ՆԱԽԱԳԱՀԸ ՀԿԵ ԱՆՁՆԱԿԱԶՄԻՆ Է ՆԵՐԿԱՅԱՑՐԵԼ ՆՈՐ ԳԼԽԱՎՈՐ ՏՆՕՐԵՆԻՆ

«ՌՈՒՍԱԿԱՆ ԵՐԿԱԹՈՒՂԻՆԵՐ» ԲԲԸ ՆԱԽԱԳԱՀԸ ՀԿԵ ԱՆՁՆԱԿԱԶՄԻՆ Է ՆԵՐԿԱՅԱՑՐԵԼ ՆՈՐ ԳԼԽԱՎՈՐ ՏՆՕՐԵՆԻՆ

Սեպտեմբերի 10-ին Երեւանում «Ռուսական երկաթուղիներ» ԲԲԸ գլխավոր տնօրեն ՕԼԵԳ ԲԵԼՈԶՅՈՐՈՎԸ «Հարավկովկասյան երկաթուղի» ՓԲԸ աշխատակիցներին  է ներկայացրել Ընկերության նոր գլխավոր տնօրենին: ՀԿԵ ՓԲԸ Տնօրենների խորհրդի որոշման համաձայն, պաշտոնը զբաղեցրել է ՍԵՐԳԵՅ ԳԵՆԱԴԻԻ ՎԱԼԿՈՆ, ով մինչ այդ Ընկերության գլխավոր տնօրենի առաջին տեղակալն էր: Ներկայացնելով նոր գլխավոր տնօրենին` ՌԵ ԲԲԸ նախագահն ասաց.

– Սերգեյ Վալկոյի մասնագիտական կյանքը կապված է երկաթուղու հետ: Նա Մոսկվայի Երկաթուղային տրանսպորտի ինժեներների ինստիտուտի շրջանավարտն է եւ անցել է մեծ ճանապարհ կայարանի հերթապահից մինչեւ թոփ-մենեջեր: Համոզված եմ, որ հարուստ փորձը եւ որոշումներ ընդունելու ունակությունը թույլ կտան նրան պահպանել եւ կատարելագործել «Հարավկովկասյան երկաթուղու» ավանդույթները:
Օլեգ Բելոզյորովը շնորհակալություն հայտնեց «Երկաթուղու» անձնակազմին եւ Ընկերության նախկին գլխավոր տնօրեն Վիկտոր Ռեբեցին` աշխատանքի եւ ՀԿԵ-ի զարգացման գործում ունեցած մեծ ավանդի համար:
Սերգեյ Վալկոն ծնվել է 1963 թվականի հունվարի 15-ին: 1985 թվականին ավարտել է Մոսկվայի Երկաթուղային տրանսպորտի ինժեներների ինստիտուտը:
Երկաթուղային տրանսպորտի ոլորտում իր աշխատանքը սկսեց 1985 թվականին կայարանի հերթապահի պաշտոնից:
Տարբեր տարիներին Ս.Վալկոն աշխատել է նաեւ Մոսկվայի երկաթուղու «Սմոլենսկ» տեսակավորման բեռնափոխադրման կայարանի կայարանապետ, Մոսկվայի երկաթուղու Օրլովսկ-Կուրսկ մասնաճյուղի ղեկավարի առաջին տեղակալ, Մոսկվայի երկաթուղու Սմոլենսկի մասնաճյուղի ղեկավարի առաջին տեղակալ, Գորկու երկաթուղու Գորկու մասնաճյուղի ղեկավար:
2010-2013թթ. զբաղեցրել էր Շարժման վերահսկողության կենտրոնական տնօրինության ղեկավարի առաջին տեղակալի պաշտոնը:
2013 թվականի մարտի 26-ից «Հարավկովկասյան երկաթուղի» ՓԲԸ գլխավոր տնօրենի առաջին տեղակալն է:

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝