ՍԱՀԱԿՅԱՆԸ` ՓՈՍՏԱՆՋՅԱՆԻՆ. «ԲԱՐԻ ԼԻՆԵԻՔ ՉՄԵՐԺԵԼ ՆԱԽԱԳԱՀԱԿԱՆԻ ՀՐԱՎԵՐԸ»
Արխիվ 12-16
ՍԱՀԱԿՅԱՆԸ` ՓՈՍՏԱՆՋՅԱՆԻՆ. «ԲԱՐԻ ԼԻՆԵԻՔ
ՉՄԵՐԺԵԼ ՆԱԽԱԳԱՀԱԿԱՆԻ ՀՐԱՎԵՐԸ»
Ազգային Ժողովի պետաիրավական հարցերի մշտական հանձնաժողովում շարունակվում է նոր սահմանադրության տեքստի քննարկումը: Խոսքով հանդես եկավ «Ժառանգություն» խմբակցության պատգամավոր Զարուհի Փոստանջյանը, եւ ինչպես միշտ փորձեց իր հարցադրմամբ տարբերվել ներկաներից՝ հետաքրքրվելով, թե ինչու սահմանադրական բարեփոխումների հեղինակ ՀՀ նախագահ Սերժ Սարգսյանը ներկա չէ նիստին, չի պատասխանում պատգամավորների հարցերին եւ, որ ամենակարեւորն է, հանրությանը հուզող հարցերին: ՀՀԿ խմբակցության քարտուղար Գագիկ Մելիքյանը, ով այդ պահին վարում էր նիստը, իսկ պետաիրավական հանձնաժողովի հարցերի նախագահ Հովհաննես Սահակյանը հանդես էր գալիս որպես հարակից զեկուցող, բնականաբար, անարձագանք չթողեցին Փոստանջյանի այս հարցադրումը: Գագիկ Մելիքյանն այսպես արձագանքեց. «Մի փաթաթեք ձեր կարծիքը հանրության վզին»: Գ. Մելիքյանը, ըստ էության, ակնարկեց, որ Փոստանջյանը չպետք է խոսի հանրության անունից:
Հարակից զեկուցող Հ. Սահակյանն էլ ասաց, որ Փոստանջյանի հարցադրումը բնական է համարում, բայց եթե Սերժ Սարգսյանը հանդիպել է քաղաքական ուժերի հետ, դա նշանակում է՝ հանդիպել է նաեւ հանրության հետ: Ի վերջո, քաղաքական ուժերը ներկայացնում են հանրության կարծիքը նախագահի հետ հանդիպման ժամանակ: «Իսկ եթե այս պարզ ճշմարտությունը մարդիկ կան, որ չեն տեսնում, դա իրենց խնդիրն է: Բարի լինեիք, ձեզ էլ կընդունեին (Սահակյանը նկատի ունի, որ «Ժառանգությունը» կարող էր չմերժել նախագահականի հրավերը եւ գնալ Բաղրամյան 26- խմբ.)»:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
30764 դիտում
2
19134 դիտում
3
1704 դիտում
4
1600 դիտում
5
1535 դիտում
3
17688 դիտում
4
11336 դիտում
5
8058 դիտում
5
8286 դիտում
