Նորանշանակ նախարարը բացասական եզրակացություն տվեց Փաշինյանի և Մարուքյան նախագծերին
Արխիվ 12-16
Նորանշանակ նախարարը բացասական եզրակացություն տվեց Փաշինյանի և Մարուքյան նախագծերին
Այսօր կառավարության նիստում օրակարգային հարցերին անցնելուց առաջ ՀՀ վարչապետ Հովիկ Աբրահամյանը շնորհավորեց արդարադատության նախարար Արփինե Հովհաննիսյանին և մաղթեց բեղմնավոր աշխատանք:
Նորանշանակ նախարարը բացասական եզրակացություն ներկայացրեց ԱԺ պատգամավոր Նիկոլ Փաշինյանի հեղինակած «Տեսանկարահանող կամ լուսանկարահանող սարքերով հայտնաբերված ճանապարհային երթևեկության կանոնների խախտումների վերաբերյալ գործերով իրականացվող վարչական վարույթի առանձնահատկությունների մասին» ՀՀ օրենքում լրացումներ կատարելու մասին» ՀՀ օրենքի նախագծի վերաբերյալ:
Փաշինյանն առաջարկում է սոցիալապես անապահով վարորդներին ավելի քիչ տուգանել ճանապարհատրանսպորտային խախտումների համար: Ավտոմեքենայի շարժիչի հզորությունն ու արտադրման տարեթիվը, ըստ նախագծի, պետք է հնարավորություն տա կարծիք կազմելու վարորդի սոցիալական վիճակի մասին: Ա. Հովհաննիսյանը, սակայն, կառավարության նիստում ասաց, որ այս գործոնները չեն կարող վարորդի սոցիալական վիճակի մասին հստակ ու օբյեկտիվ կարծիք ձևավորել:
ի դեպ Արփինե Հովհաննիսյանը բացասական եզրակացություն է ներկայացրել նաև պատգամավոր Էդմոն Մարուքյանի ներկայացրած «ՀՀ քրեական օրենսգրքում փոփոխություն կատարելու մասին» ՀՀ օրենքի նախագծի վերաբերյալ: Դրանով առաջարկվում էր փոփոխություններ կատարել Քրեական օրենսգրքում՝ փոփոխություն կատարելով 301-րդ հոդվածում ու պատասխանատվություն սահմանել իշխանությունը զավթելու, տարածքային ամբողջականությունը խախտելու կամ սահմանադրական կարգը բռնի տապալելուն ուղղված հրապարակային կոչերի, ՀՀ ինքնիշխանության կամ տարածքային ամբողջականության դեմ արված հրապարակային հայտարարության կամ կոչի համար:
Բաժանորդագրվե՛ք https://t.me/iravunk
1
30859 դիտում
2
19134 դիտում
3
1704 դիտում
4
1625 դիտում
5
1535 դիտում
3
17688 դիտում
4
11336 դիտում
5
8068 դիտում
5
8286 դիտում
