Զարմացած

Վաղուց չէինք լսել, հասցրել ենք նույնիսկ կարոտել որձ կովերի մեծն մասնագետ ՀՐԱՆՏ ԲԱԳՐԱՏՅԱՆԻՆ: Վերջինս խոսելով Սահմանադրությանը «ոչ» ասողների ճակատի ձեւավորման մասին, զարմանալիորեն լավատես էր. «Այո, կարծում եմ` կձեւավորվի: Ըստ որում, բավականին լայն ճակատ, որովհետեւ այստեղ քաղաքական կամ տնտեսական հայացքներն սկզբունքորեն կապ չունեն, այլ կապ ունի, թե ինչպես են վերաբերվում այս սահմանադրական փոփոխություններին: Սովորաբար նման ճակատներում կարող են հայտնվել ուժեր, որոնք մինչ այդ միմյանց հետ համագործակցելու օրակարգ չունեին»: Դե, երեւի թե, պարոն Բագրատյանը այնքան վաղուց չէր տեսել հարազատ խմբակցության ղեկավար Լեւոն Զուրաբյանին եւ այնքան վաղուց չէր լսել նրա ամբիցիոզ հայտարարությունները, թե ով ուզում է միանալ, թող միանա, որ լցվել է մի տեսակ բարի տրամադրությամբ բոլորի նկատմամբ:

Իսկ ԼԵՎՈՆ ԶՈՒՐԱԲՅԱՆԻ կողմից հնչեցվել է այն, ինչից բողոքավոր ժողովուրդը վաղուց հոգնել է. «Մենք եկել ենք այստեղ սահմանադրությունը մերժելու նպատակով, մերժման պատճառները բացատրելու նպատակով եւ ժողովրդին կոչ անելու` սկսել դիմադրության շարժում այս սահմանադրական հեղաշրջման դեմ»: Սակայն ոչինչ, որ ժողովուրդը կասի` տո դու էլ, քո սահմանադրությունն էլ: Ամենածանր հարվածը եկել է հարեւան Թուրքիայից: Զուրաբյանի ամենասիրելի հանգստավայրում` Անթալիայում, այժմ ընթանում են արյունոտ բախումներ թուրքերի եւ քրդերի միջեւ, այնպես որ, շատ հնարավոր է հաջորդ անգամ Անթալիան արդեն պիտանի չլինի:
Կայքերից մեկում հրապարակվել էր վերջերս վնասազերծված ադրբեջանցի ԴԻՊՈՒԿԱՀԱՐԻ լեշի լուսանկարը, սակայն զարմանալին այն է, որ միանգամից ծլել էին «մարդասերներ», ովքեր սկսել էին խղճալ ասկյարին: Դրա առնչությամբ ռեժիսոր Արշակ Զաքարյանն իրավացիորեն վրդովվում է. «Մի հատ մեկնաբանությունները կարդացեք, խնդրում եմ, տեսեք` քանի հոգի են խղճում ազերի դիպուկահարին, ով երեկ կրակում էր մեր երեխաների վրա Այգեպար գյուղում, Ներքին Կարմիրաղբյուրում եւ Մովսեսում... Ում ընկերը այսօր կրակում է մեր կոմբայնավարի վրա Չինարիում, որ վերջիններիս հացահատիկը մնա փչանա, ով կրակում է Պառավաքարի մանկապարտեզի եւ դպրոցի վրա, ով վաղը կրակելու է այդ խղճացողի երեխայի վրա, եթե իհարկե նա բանակ գնա, քանի որ, որպես կանոն, այդ գրող «մարդասերները» հեռու են ե՛ւ սահմանից, ե՛ւ բանակից...»: Լավ, որտեղի՞ց այդ «մարդասեր» կոչվող փորձանքները մեր գլխին հայտնվեցին, որ սկսեցին խղճալ թուրքին, գոմիկին, աղանդավորին, չգիտեմ էլ որ մի զահրումարին... Մեզ համար հանգիստ ապրում էինք:
Այսօր նիգերիացիները կարող են երգել «Վո՜ւյ աման, վո՜ւյ աման, վո՜ւյ աման, քահանա լինելուց լավ բա՞ն»: Պարզվում է, որ այդ երկրում ոմն ՔԱՀԱՆԱ ՍԵՄՈՒԵԼԸ մոգոնել է «սուրբ կենակցության» ծես: Ամեն կիրակի եկեղեցում իր գործերն ավարտելուց հետո սույն տերտերը երեցկնոջ հետ միասին շրջում է հավատացյալների մեջ, ընտրում որեւէ կնոջ կամ աղջկա եւ հրավիրում չորեքշաբթի կայանալիք «աստվածային գաղտնի ծառայության»: Բայց ամենազարմանալին այն է, որ «սրբազան կենակցության» համար այդ կանայք նույնիսկ տերտերին վճարում են: Դե ինչ, հավանաբար տոլերանտ Եվրոպան շուտով կընդօրինակի սույն սեւամորթ տերտերի առաջադիմական փորձը:

Զարմացած է
ՀՈՎՀԱՆՆԵՍ ԳԱԼԱՋՅԱՆԸ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝