«ՔԱՐ ՆԵՏԵԼ, ԹՔԵԼ ՉԻ ԵՂԵԼ, ԴԱ ՍՈՒՏ ՀԱՅՏԱՐԱՐՈՒԹՅՈՒՆ Է». «Ոչ թալանի» անդամ
Արխիվ 12-16
«ՔԱՐ ՆԵՏԵԼ, ԹՔԵԼ ՉԻ ԵՂԵԼ, ԴԱ ՍՈՒՏ ՀԱՅՏԱՐԱՐՈՒԹՅՈՒՆ Է». «Ոչ թալանի» անդամ
Սեպտեմբերի մեկին «Ոչ թալանին» նախաձեռնությունից դուրս եկած Վաղինակ Շուշանյանի պահվածքը Բաղրամյան պողոտայում քննարկվեց ֆեյսբուքյան որոշ օգտատերերի կողմից: Բանն այն է, որ Վաղինակ Շուշանյանի եւ ոստիկանների միջեւ ծեծկռտուք էր տեղի ունեցել: Ոմանց կարծիքով` Շուշանյանի այս պահվածքը դրական չի անդրադառնում նախաձեռնության հեղինակության ու գործունեության վրա: «Իրավունք»-ը «Ոչ թալանին» նախաձեռնության համակարգող անդամ Մաքսիմ Սարգսյանից պարզեց` արդյոք խմբի ներսում քննարկվել է Շուշանյանի պահվածքը: «Մենք խմբի ներսում քննարկում ենք բացառապես մեր հետագա անելիքները, թե ով ինչպես կպայքարի, դա յուրաքանչյուրի գործն է: Խմբի ներսում որեւէ անձի որեւէ քայլ չի քննարկվում»:
Ինչ վերաբերում է այն կարծիքներին, թե Շուշանյանը փորձում էր սադրել ոստիկաններին, նախաձեռնության համակարգող անդամը չցանկացավ մեկնաբանել, քանի որ չի ֆիքսվել որեւէ մեկի վրա:
Մեր մյուս հարցին` «Ոչ թալանին»-ի անդամները պարզե՞լ են, թե ովքեր են եղել այն ակտիվիստները, որոնք Երեւանի փոխոստիկանապետ Վալերի Օսիպյանի տեղեկացմամբ ջուր են լցրել, քար նետել ու թքել իրավապահների վրա,Մաքսիմ Սարգսյանն այսպես պատասխանեց. «Քար չի նետվել, թքել չի եղել, դա սուտ հայտարարություն է: Ջուր, այո՛, լցրել են եւ լավ են արել, որովհետեւ ոստիկանությունը մարդկանց հրում-գցում էր գետնին: Ջուրը լցրում էին, որ գոնե մի քիչ սթափվեն: Ջրելը գոնե չի վնասում»:
ՍՈՆԱ ԴԱՎԹՅԱՆ
Բաժանորդագրվե՛ք https://t.me/iravunk
1
31107 դիտում
2
19189 դիտում
3
1750 դիտում
4
1649 դիտում
5
1546 դիտում
3
17693 դիտում
4
11364 դիտում
5
8086 դիտում
5
8286 դիտում
