ՊԱՐԶԱԲԱՆՈՒՄ.ԻՆՉՈ՞Ւ Է ՀՈՒՇԱՐՁԱՆՆ ԱՌԱՆՑ ԱՎԱԳԱՆՈՒ ՈՐՈՇՄԱՆ ՏԵՂԱԴՐՎԵԼ

ՊԱՐԶԱԲԱՆՈՒՄ.ԻՆՉՈ՞Ւ Է ՀՈՒՇԱՐՁԱՆՆ ԱՌԱՆՑ

ԱՎԱԳԱՆՈՒ ՈՐՈՇՄԱՆ ՏԵՂԱԴՐՎԵԼ

Այսօր քաղաքապետարանում  տեղի ունեցավ ավագանու նիստը, որրի ընթացքում քննարկվեց 18 հարց: Նիստի ընթացքում  հաստատվեց օրակարգը, հաշվիչ հանձնաժողովի կազմը: Ավագանու անդամները միաձայն հավանաություն տվեցին  ՀՀ արտիստ Կիմ Երիցյանի անունով  հուշատախտակ դնել Վարդանանց փողոց, 2-րդ նրբանցք հ. 4 հասցեում:

Օրակարգի հարցերից մեկն էլ վերաբերում էր 192 դպրոցը անվանակոչել հայ հետախույզ Գեւորգ Վարդանյանի անունով:

Նուբարաշենի երաժշտական դպրոցն էլ առաջարկվեց անվանել վաստակավոր արտիստ, պրոֆեսոր Վիլլի Մոկացյանի անունով: Օրակարգի հարցերից մեկն էլ  վերաբերում  էր Արաբկիր վարչական շրջանում տեղադրված «Պաշարված Լենինգրադի երեխաները» հուշարձանին, որի վերաբերյալ առարկություն հայտնեց «Բարե՛ւ,Երեւան» խմբակցության անդամ Դավիթ Սանասարյանը: Ինչու է հուշարձանը տեղադրվել առանց ավագանու որոշման: Քաղաքապետարանի  ներկայացուցիչն արձագանքեց` սա այն դեպքն է, երբ հուշարձանի տեղադրման համար կարիք չկա ավագանու որոշման: «Առաջնորդվել ենք 1999 թ-ին ընդունված կառավարության  551  որոշմամբ»,- պարզաբանեց պատասխանատուն:

Ավագանու հաջորդ նիստը նախատեսված է հոկտեմբերի 28-ին, սակայն քաղաքապետ Տարոն Մարգարյանը հայտարարեց` չի բացառվում, որ  «Էրեբունի-Երեւան» տոնակատարության  առիթով արտահերթ նիստ հրավիրվի:

ՍՈՆԱ ԴԱՎԹՅԱՆ

Բաժանորդագրվե՛ք https://t.me/iravunk

Հետևեք մեզ նաև տելեգրամում՝

Ներբեռնեք Iravunk հավելվածը և եղեք միշտ տեղեկացված՝